JEREMAÏAH 3:23 - Khasi CL Bible (BSI)

²³ Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

KA BAIBL

²³ Shisha, kaba lehnohei kata ka jingïarap ïa kaba la khmih lynti na ki lum rit, ka jingkhihwin halor ki lum bah: shisha, ka jingpynim u Israel ka long ha U Trai U Blei jong ngi.

JEREMAÏAH 3:23 ပူးပေါင်းရင်းမြစ်များ

SALM 3:8

Ka jingjop ka wan na U Trai — to un kyrkhu ïa ki briew jong u.

SALM 62:7

Ka jingpynim jong nga bad ka burom ka shong ha U Blei; u long u nongïada bakhlaiñ jong nga; u long ka jingda jong nga.

PROBERB 21:31

Phi lah ban pynkhreh ïa ki kulai na ka bynta ka thma, hynrei dei U Trai uba ai ka jingjop.

ISAÏAH 10:20

Ka por ka poi ha kaba ki paid Israel kiba la lait im kin ym shaniah shuh ha ka jaitbynriew kaba la jan pynjot thiaw ïa ki. Da shisha kin buh ka jingshaniah jong ki ha U Trai, U Blei bakhuid jong ka Israel.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 43:11

“Nga hi marwei nga long U Trai, uba tang marwei uba lah ban pynim ïa phi.

ISAÏAH 44:9

Baroh kito kiba shna bleithaw kim long ei ei, bad u blei ba ki ñiewkor shibun um long uba larkam. Kito kiba mane ïa kine ki blei ki long kiba matlah bad kiba bieit bad kin shah pynjahburom.

ISAÏAH 45:15

U Blei ki Israel, uba pynim ïa la ki briew, u long U Blei uba buhrieh ïa lade.

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 45:20

U Trai u ong, “Ale lang, ko ki briew jong ki hima, baroh kiba lait im na ka jingkyllon ka hima-patsha; ai ïa lade na ka bynta ka jingbishar! Ki briew kiba ïaid bad la ki bleithaw kiba da ki dieng bad duwai sha ki blei ki bym lah ban pynim ïa ki — kito ki briew ki bymtip ei ei satia!

ISAÏAH 63:1

“Uei une uba wan na ka nongbah Bosrah ha Edom? Uei une uba riam itynnat ha ki jaiñkup rong saw u da ïaid ryngkat ha ka bor bad jingkhlaiñ?” “U dei U Trai, uba donbor ban pyllait im, u wan ban pynbna ïa ka jingjop jong u.”

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

JEREMAÏAH 14:8

Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

JEREMAÏAH 17:2

Ki briew jong phi ki mane ha ki duwan bad ïa ki dak kiba la pynïeng na ka bynta ka blei Asherah harud jong uwei pa uwei u dieng bajyrngam, ha ki kliar lum

JEREMAÏAH 3:6

Mynba u Josaïah u long syiem, U Trai u la ong ha nga, “Hato me la ïohi ïa kaei ba ka Israel, kata ka kynthei bymïaineh, ka la leh? Ka la phai lyndet noh na nga, bad halor uwei pa uwei u lum bajrong bad hapoh uwei pa uwei u dieng bajyrngam, ka la leh kum ka nuti.

JEREMAÏAH 31:7

U Trai u ong, “To rwai da ka jingkmen na ka bynta ki Israel, kiba khraw tam na ki jaitbynriew. To rwai ïa ka jingrwai jong ka jingïaroh jong phi, ‘U Trai u la pynim ïa la ki briew; u la pyllait im ïa baroh kiba dang sah.’

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

ÏOANNIS 4:22

Phi ki nong Samaria phim da tip shai ïano phi mane; hynrei ma ngi ki Jiw ngi tip ïano ngi mane, namar ka long na ki Jiw ba ka jingpynim ka wan.