JEREMAÏAH 3:22 - Khasi CL Bible (BSI)

²² To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

KA BAIBL

²² “To wan phai, phi ki khun baphai dien, te ngan pynkhiah ïa ki jingphaidien jong phi.” “Ha khmih, ngi la wan sha me; naba me long U Trai U Blei jong ngi.

JEREMAÏAH 3:22 ပူးပေါင်းရင်းမြစ်များ

JINGRWAI SOLOMON 1:4

To shim ïa nga bad phi, bad ngin ïaphet noh; to long u syiem jong nga bad shim ïa nga sha ka kamra jong phi. Ngin ïakmen lang, ngin ïadih bun bad pyllaitluid war ïa lade ha ka jingieit. Kam long kaba phylla ba baroh ki kynthei ki ieit ïa phi!

ISAÏAH 1:2

U Trai u ong, “Ko ka pyrthei bad ka sahit bneng, shahshkor ïa kaei kaba nga ong! Ki khun kiba nga la pynheh pynsan ki la ïeng ïaleh pyrshah.

ISAÏAH 27:8

U Trai u la pynshitom ïa ki briew jong u da kaba phah ïa ki sha ka jinglongmraw. U la shim ïa ki da ka lyer bashyrkhei na shaphang mihngi.

ISAÏAH 31:6

U Trai u la ong, “Phi ki paid Israel, phi la leh pop pyrshah ïa nga bad ïeng ïaleh ïa nga. Hynrei mynta, to phai pat sha nga!

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 31:18

“Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 4:1

U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

ESEKIEL 18:30

“Mynta, ma nga U Trai Nongsynshar, nga ong ïa phi ki Israel ba ngan bishar ïa phi iwei pa iwei da kaei kaba phi la leh. To phai noh na kaba sniew baroh kaba phi leh, bad wat shah ba ka pop jong phi kan pynjot ïa phi.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

HOSIA 14:5

Ngan long ïa ki paid Israel kum u slap ha ka dewryngkhiang. Kin phuh kum ki syntiew; kin suhthied skhem kum ki dieng ha Lebanon.

HOSIA 14:8

Ki paid Israel kim don bynta ei ei shuh bad ki bleithaw; ngan jubab ïa ki jingduwai jong ki bad sumar ïa ki; kum u dieng ba ïai jyrngam ngan kah tngen ïa ki; nga long u tynrai jong ki jingkyrkhu jong ki baroh.”

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”