JEREMAÏAH 3:20 - Khasi CL Bible (BSI)

²⁰ Hynrei kum ka tnga ka bymïaineh, pham shym la ïaineh ha nga. Ma nga, U Trai, nga la kren.”

KA BAIBL

²⁰ Da shisha, kumba ka tnga da kaba shetkylla ka leit noh na la u tnga, kumta phi la shetkylla ïa nga, A ka ïing Israel,” ’ ” ong U Trai.

JEREMAÏAH 3:20 ပူးပေါင်းရင်းမြစ်များ

ISAÏAH 24:16

Na ki bynta bajngai tam ka pyrthei ngin ïohsngew ïa ki jingrwai jingïaroh ïa ki Israel, ka jaitbynriew bahok. Hynrei ym don jingkyrmen na ka bynta jong nga! Nga shu duh lehnoh-ei! Ki nongshetkylla ki ïai shetkylla, bad ka kam shyrkhei jong ki ka nang sniew nang sniew.

ISAÏAH 48:8

Nga la tip ba ïa phi ym lah ban shaniah, la ju tip ïa phi kum u nongïaleh pyrshah. Na kata ka daw phim pat ju ïohsngew satia ïa kane, balei ba wat shikyntien ruh kam shym la wan ha ki shkor jong phi?

JEREMAÏAH 12:1

“A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

JEREMAÏAH 5:11

Ki briew jong ka Israel bad Judah ki la shetkylla la biang ïa nga, ma nga, U Trai, nga la kren.”

HOSIA 3:1

U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

MALAKHI 2:11

Ki paid Judah ki la pynkheiñ ïa ka jingkular jong ki sha U Blei bad ki la leh ïa kaei kaei kaba shyrkhei ha Jerusalem bad ha ka ri baroh kawei. Ki la pynjakhlia ïa ka Templ kaba U Trai u ieit. Ki rangbah ki la shongkurim ïa ki kynthei kiba mane ïa ki blei nongwei.