JEREMAÏAH 3:2 - Khasi CL Bible (BSI)

² Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

KA BAIBL

² “To khmied ïa la ki khmat sha ki jaka jrong balyngki, bad khmih; hangno kim shym la thiah bad pha? Harud lynti pha la shong ap ïa ki, kum ka nong Arab ha ri khlaw; bad pha la pyntngit ïa ka ri da la ka jingleh klim bad da ka jingleh bymman.

JEREMAÏAH 3:2 ပူးပေါင်းရင်းမြစ်များ

JENESIS 38:14

Kumta ka la kylliang ïa ki jaiñ riewkynthei ba ka phong, ka la tap ïa la ka khmat da ka jingkah khmat, bad ka la leit shong ha ka khyrdop ban rung sha Enaim, ka shnong kaba don ha ka lynti sha Timnah. Kumba ka la tip bha ba u Shelah u khun khatduh jong u Judah, u la rangbah mynta, pynban ym pat shym la ai ïa ka ha u ban shongkurim.

1 SYIEM 11:3

U Solomon u la shongkurim hynñiewspah ngut ki khun syiem kynthei bad laispah ngut ruh ki tnga kliar.

2 SYIEM 23:13

U Josaïah u la ñiewsang ïa ki duwan ba u syiem Solomon u la tei shaphang mihngi ka Jerusalem, shaphang shathie jong u Lum ki Olib, na ka bynta ban mane ïa ki bleithaw ba-ijli ― ka Astarte ka blei ki Sidon, u Khemosh u blei ki Moab bad u Molekh u blei ki Ammon.

SALM 106:38

Ki la pynïap ïa kito ki khun balui lui, bad ïa ka ri la pynjyrsieh da kita ki jingpynïap briew.

PROBERB 23:28

Ki ap ïa phi kum ki nonglute bad ki long ka daw ïa kiba bun ki rangbah ban ym long ïaineh.

PROBERB 7:11

Ka dei ka briew kaba shlur bad ka bym don jinglehrain, kaba ju ïaid borabor ha ki lynti bah;

JEREMAÏAH 12:12

Sha shiliang ki jaka kynjang baroh jong ka ri shyiap ki rangbah ki la wan ban lute. Nga la phah ïa ka thma ban pynjot ïa ka ri baroh kawei; yn ym don mano mano ba lah ban im ha ka jingsuk.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 2:23

Kumno me lah ban ong ba mem shym la pyntngit ïa lade, ba mem pat ju mane ïa u Baal? Ha khmih kumno me la leh pop ha ka them; ha peit kaei me la leh. Me long kum ka ut khlaw ha ka por jingkwah shongkha jong ka, kaba mareh laitluid kylleng,

JEREMAÏAH 2:7

Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

JEREMAÏAH 3:9

bad kam shym lehrain satia. Ka la pyntngit ïa ka ri, bad ka la leh awria da kaba mane ïa ki maw bad ki dieng.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

ESEKIEL 16:16

Pha la pyndonkam katto katne tylli ki jaiñ jong pha ban pynitynnat ïa ki jaka mane jong pha, bad kum ka nuti, pha la ai ïa lade ha uei uei baroh.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

LOUKAS 16:23

bad ha Hades, ha kaba u la don ha ka jingshitom bakhraw, u la khmih shajrong bad u la ïohi ïa u Abraham, sha jngai bah, bad ïa u Lasaros ha syndah jong u.

DEUTERONOMI 12:2

Ha kata ka ri ba phi ïohkynti, pynjot ïa ki jaka baroh ha kiba ki briew ki mane ïa ki blei jong ki ha ki lum kiba jrong, ha ki lumrit, bad hapoh ki dieng kiba jyrngam.