JEREMAÏAH 3:18 - Khasi CL Bible (BSI)

¹⁸ Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

KA BAIBL

¹⁸ Ha kita ki sngi, ka ïing Judah kan ïaid ryngkat bad ka ïing Israel, bad kin ïamih lang na ka ri kaba shaphang shatei sha kata ka ri kaba nga la ai ban long ka ri kynti ïa ki kpa jong phi.

JEREMAÏAH 3:18 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

ISAÏAH 43:5

Wat sheptieng — nga long ryngkat bad phi! “Naduh mihngi bajngai bad sha sepngi bajngai tam, ngan wallam sha ïing ïa ki briew jong phi.

ISAÏAH 43:6

Ngan ïathuh ïa ka shatei ban shah ïa ki ban leit bad ïa ka shathie ban ym bat noh ïa ki. Ai ba ki briew jong nga ki wan phai na ki ri bajngai, na man la ki bynta baroh jong ka pyrthei.

JEREMAÏAH 16:15

Pynban, kin smai da nga kum U Blei uba im uba la wallam ïa ki paid Israel na ka ri bashatei bad na baroh kiwei pat ki ri ha kaba nga la pynsakma ïa ki. Ngan wallam pat ïa ki sha ka ri ka jong ki hi, sha ka ri kaba nga la ai ha ki kpa tymmen jong ki. Ma nga, U Trai, nga la kren.”

JEREMAÏAH 23:8

Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 30:3

namar ka por ka wan haba ngan pynneh pat ïa ki briew jong nga, ki Israel bad Judah. Ngan wallam pat ïa ki sha ka ri kaba nga la ai ha ki kpa tymmen jong ki, bad kin shim kynti biang ïa ka. Ma nga, U Trai, nga la kren.”

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

JEREMAÏAH 50:20

Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

JEREMAÏAH 7:7

Lada phi kylla, ngan shah ïa phi ban ïaisah hangne hapoh ka ri kaba nga la ai ha ki kpa tymmen jong phi kum ka jingdon jingem kaba neh.

ESEKIEL 11:17

“Kumta to ïathuh ha ki ïa kaei kaba ma nga, U Trai Nongsynshar, nga ong. Ngan lumlang ïa ki na ki ri sha kiba nga la pynsakma ïa ki, bad ngan ai pat ïa ka ri Israel ha ki.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

HOSIA 11:12

U Trai u ong, “Ki paid Israel ki la ker sawdong ïa nga da ki jinglamler bad jingshukor, bad ki paid Judah ki dang ïai ïaleh pyrshah ïa nga, U Blei baïaineh bad uba khuid.

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

AMOS 9:15

Ngan thung ïa ki briew jong nga ha ka ri ba nga la ai ïa ki, bad yn ym jynrat shuh ïa ki,” U Trai U Blei jong phi u la kren.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SEKHARAÏAH 2:6

U Trai u la ong ha la ki briew, “Nga la pynsakma ïa phi ha ki liang baroh. Hynrei mynta, ma phi kiba shah ringmraw, phet noh na Babilonia bad leit phai pat sha Jerusalem.