JEREMAÏAH 3:17 - Khasi CL Bible (BSI)

¹⁷ Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

KA BAIBL

¹⁷ Ha kata ka por, kin khot ïa ka Jerusalem ‘ka khet jong U Trai’; bad yn ïalum lang ïa ki jaid bynriew baroh ha ka, sha ka kyrteng U Trai, ha Jerusalem keiñ; lymne kin ym ïaid shuh kat kum ka jingmutlop ka dohnud basniew jong ki.

JEREMAÏAH 3:17 ပူးပေါင်းရင်းမြစ်များ

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

1 SYIEM 8:41

“Haba u nongwei uba shong jngai na ka ri u ïohsngew shaphang ka nam jong me bad ïa kiei kiei kiba khraw kiba me la leh na ka bynta ki briew jong me, bad un wan ban mane ïa me bad duwai ha kane ka Templ, to shahshkor ïa ka jingduwai jong u.

SALM 102:23

U Trai u la pynlong tlot ïa nga haba nga dang samla; u la pynlyngkot ïa ka jingim jong nga.

SALM 78:8

Kin ym long kum ki kpa tymmen jong ki; ki briew kiba ïeng ïaleh pyrshah bad ki bymkohnguh, kiba ka jingshaniah jong ki ha U Blei kam ju long kaba skhem, bad ki bym shym la ïaineh ha u.

SALM 87:3

To shahshkor, ko nongbah U Blei, ïa kiei kiei kiba phylla ba u ïathuh shaphang jong pha:

ISAÏAH 26:8

Ngi bud ïa ka mon jong me bad ngi buh ka jingkyrmen jong ngi ha me; me long tang ma me uba ngi kwah.

ISAÏAH 56:6

Bad U Trai u ong ha kito ki nongwei kiba la pynïasoh bad ki briew jong u, kiba ieit ïa u bad kiba shakri ïa u, kiba sumar ïa ka Sabbaton bad kiba batskhem ïa ka jutang jong u.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

ISAÏAH 6:1

Ha ka snem ba u syiem Ussaïah u ïap, nga la ïohi ïa U Trai. U da shong halor ka khet, hajrong bad kaba la pynkyntiew, bad ka jaiñkup jong u ka pyndap ïa ka Templ baroh kawei.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

ISAÏAH 66:20

Kin wallam pat ïa baroh ki para kur ki para jait jong phi na ki jaitbynriew baroh kum ka jingai sngewbha ïa nga. Kin wallam ïa ki sha u lum bakyntang jong nga ha Jerusalem ha ki kulai, ki khashor bad ha ki ut, bad ha ki kali ïapom bad ki kali kit jingkit, kumba ki Israel ki wanrah ïa ki jingainguh bam sha ka Templ ha ki khiew lehniam kiba khuid.

JEREMAÏAH 11:8

Hynrei kim shym la shahshkor lane kohnguh. Pynban, uwei uwei baroh u ïai bteng ban long uba mutlop bad uba sniew kumba u ju long. Nga la hukum ïa ki ban bat ïa ka jutang, hynrei ki la kyntait. Kumta nga la wallam halor jong ki baroh ïa ki jingpynshitom kiba la batai ha ka.”

JEREMAÏAH 12:15

Hynrei hadien ba nga la shim noh ïa ki, ngan don jingisynei halor jong ki; ngan wallam pat ïa kawei pa kawei ka jaitbynriew sha ka ri jong ka bad sha ka shnong jong ka.

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JEREMAÏAH 14:21

To kynmaw ïa ki jingkular jong me bad wat ñiewbeiñ ïa ngi; wat wallam ka jingjahburom halor ka Jerusalem ka jaka jong ka khet badonburom jong me. Wat pynkheiñ ïa ka jutang kaba me la pynlong bad ngi.

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 17:12

Ka Templ jong ngi ka long kum ka khet badonburom, kaba ïeng halor jong u lumbah bajrong naduh kaba sdang.

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

JEREMAÏAH 31:23

U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

ESEKIEL 1:26

Halor ka tnum ka don kaei kaei kaba i kum ka khet; ba la shna da u mawkordor Sapphir; bad don bashong halor kata ka khet ba i kum u briew.

ESEKIEL 43:7

Ko khun u briew, hangne ka dei ka khet jong nga. Ngan shong hangne hapdeng ki paid Israel bad synshar halor jong ki junom. Ki paid Israel lymne ki syiem jong ki, kin ym pynjahburom shuh ïa kyrteng bakhuid jong nga da kaba mane ïa kiwei pat ki blei lane da kaba tep ïa ki metïap jong ki syiem jong ki ha kane ka jaka.

ESEKIEL 48:35

Ka lynter baroh jong ka kynroh ha baroh sawdong ka nongbah ka long khyndai hajar mitar. Ka kyrteng jong ka nongbah naduh mynta kan long, “U Trai U Don Hangne!”

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

SEKHARAÏAH 8:8

bad ngan wallam pat ïa ki na mihngi bad na sepngi ban shong ban sah ha Jerusalem. Kin long ki briew jong nga, bad ngan long U Blei jong ki, da kaba synshar ha ka jingïaineh bad ha ka jinglehhok.

JINGKHEIÑ 15:39

Ki ksai jyrthiaw kin long kum ki jingpynkynmaw, bad man ka por ba phi ïohi ïa ki, phin kynmaw ïa ki hukum jong nga baroh bad kohnguh ïa ki; te kumta phin ym phai noh na nga bad bud ïa ki jingkwah mon bad ki jingkwah brai jong phi.

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

GALATIA 4:26

Hynrei ka Jerusalem ba kynja bneng ka long kaba laitluid, bad ka dei ka kmie jong ngi keiñ.

DEUTERONOMI 29:29

“Don kiei kiei kiba U Trai U Blei jong ngi u dang buhrieh na ka jingtip u briew; hynrei u la pynpaw ïa ka Aiñ jong u, bad ma ngi lem bad ki khun ki ksiew jong ngi, ngi dei ban kohnguh ïa ka junom.

NONGBISHAR 2:19

Hynrei haba u nongïalam u ïap, ki briew ki phai biang sha la ki rukom barim bad ki im kham sniew ban ïa ka pateng ba ha shuwa. Ki shakri bad mane ïa kiwei ki blei, bad da ka jingtamsneng ki ïai leh ïa la ki rukom bymman.