JEREMAÏAH 3:16 - Khasi CL Bible (BSI)

¹⁶ Nangta haba phi la ïaroi bun ha kata ka ri, ki briew kin ym ïakren shuh shaphang ka Synduk ka Jutang jong nga. Kin ym pyrkhat shuh shaphang jong ka lane kynmaw ïa ka; kin ym donkam shuh ïa ka, lymne kin ym shna sa kawei pat.

KA BAIBL

¹⁶ Te kan long, ynda phi la roi bad la man bun ha ka ri ha kita ki sngi,’ ” ong U Trai, “kin ym ong shuh, ‘Ka synduk ka jutang U Trai;’ lymne kan ym jia ha ka jingmut: lymne kin ym kynmaw ïa ka; lymne kin ym leit khmih ïa ka; lymne yn ym leh shuh ïa kata.

JEREMAÏAH 3:16 ပူးပေါင်းရင်းမြစ်များ

ISAÏAH 60:22

Wat ka jait ka kynja kaba rit bad ba duk tam kan sa long kaba khraw kum ka jaitbynriew kaba donbor. Haba ka por kaba biang ka la wan, ngan pynjia kloi ïa kine kiei kiei. Nga long U Trai!”

ISAÏAH 61:4

Kin tei pat ïa ki nongbah ba la jot la pra.

ISAÏAH 65:17

U Trai u ong, “Ngan thaw ïa ka khyndew bathymmai bad ïa ki bneng bathymmai. Kiei kiei kiba jia long mynshuwa yn ym kynmaw shuh.

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

JEREMAÏAH 30:19

Ki briew kiba sah hangta kin rwai ïaroh; kin pyrta jam da ka jingkmen. Da ka jingkyrkhu jong nga kin roi ha ka jingbun paid; ka jingkyrkhu jong nga kan wallam ha ki ka burom.

JEREMAÏAH 31:27

“Ma nga, U Trai, nga ong ba ka por kan wan haba ngan pyndap ïa ka ri Israel bad Judah da ki briew bad ki mrad.

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

JEREMAÏAH 7:4

Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

ESEKIEL 15:5

ka la long ka bymmyntoi wat ha shuwa ba yn thang ïa ka. Mynta ba ka ding ka la thang ïa ka bad pynkylla rnga ïa ka, ka la nang long shuh shuh ka bymmyntoi ei ei.”

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

AMOS 9:9

“Ngan ai ka hukum, bad ngan kyrsih ïa ki paid Israel kum ïa u kew. Ngan kyrsih ïa ki hapdeng ki jaitbynriew ban weng ïa kita baroh ki bymdondor.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!