JEREMAÏAH 3:15 - Khasi CL Bible (BSI)

¹⁵ Ngan ai ha phi ki nongsynshar ki ban kohnguh ïa nga, bad kin synshar ïa phi da ka jingstad bad ka jingshemphang.

KA BAIBL

¹⁵ “ ‘Bad ngan ai ïa phi ki nongaplangbrot kiba kat kum ka dohnud jong nga, ki ban bsa ïa phi da ka jingtip bad ka jingshemphang.

JEREMAÏAH 3:15 ပူးပေါင်းရင်းမြစ်များ

PROBERB 10:21

Ki ktien u briew uba bha ki pynmyntoi ïa kiba bun ki briew, hynrei phin pynïap ïa lade da ka jingmutlop.

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

JEREMAÏAH 31:10

U Trai u ong, “Ko ki jaitbynriew, to shahshkor ïa nga, bad to pynbna ïa ki ktien jong nga shaduh ki rud duriaw kiba jngai. Nga la pynsakma ïa ki briew jong nga, hynrei ngan lumlang ïa ki bad ïada ïa ki kumba u nongaplangbrot u ïada ïa la ka kynhun langbrot.

ESEKIEL 34:2

“Ko khun u briew,” u la ong, “to kren pyrshah ïa ki nongsynshar ka Israel. Ïathuhlypa ha ki, bad ïathuh ha ki ïa kaei kaba ma nga, U Trai Nongsynshar nga ong ha ki: Phi long ki bym don jingkyrmen shuh, a phi ki nongsharai ka Israel! Phi sumar bha tang ïa lade, hynrei phim ju bsa bha ïa ki langbrot.

ESEKIEL 34:23

Ngan ai ha ki ïa u syiem uba kum u shakri jong nga u Dabid ba un long uwei u nongsharai jong ki, bad un sumar bha ïa ki.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

1 PETROS 2:2

To long kum ki khunlung kiba dang shu kha, kiba kwah hir hir borabor ïa ka dud bakhuid ba kynja mynsiem, khnang ba da kaba dih ïa ka phin san bad yn pynim ïa phi.

1 SAMUEL 13:14

Hynrei mynta ka jingsynshar jong phi kan ym bteng. Namar ba phim shym kohnguh ïa u, U Trai un wad ïa u briew uba u kwah bad un thung ïa u ban long nongsynshar ïa ki briew jong u.”