JEREMAÏAH 3:12 - Khasi CL Bible (BSI)

¹² U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

KA BAIBL

¹² To khie leit pynbna ïa kine ki ktien shaphang shatei, bad to ong, “ ‘To phai pat, pha ka Israel baphai dien,’ ong U Trai; ‘ngan ym khmih ha pha ha ka jingbitar: naba nga uba isynei,’ ong U Trai, ‘ngan ym bat ïa ka jingbitar junom.

JEREMAÏAH 3:12 ပူးပေါင်းရင်းမြစ်များ

JENESIS 4:7

Lada me la leh ïa kaba dei, men jin da la phuh samrkhie; hynrei namar ba me la leh ïa kaba sniew, ka pop ka apthap ha ka jingkhang jong me. Ka kwah ban synshar ïa me, hynrei me dei ban jop ïa ka.”

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

2 SYIEM 18:1

Ha ka snem kaba lai jong ka jingsynshar u Hoshea u khun jong u Elah kum u syiem ka Israel, u Hesekaïah u khun jong u Ahas u long u syiem ka Judah

2 KHRONIKL 29:10

“Mynta nga la rai ban pynlong ka jutang bad U Trai, U Blei ka Israel, khnang ba un ym bitar shuh ïa ngi.

2 KHRONIKL 30:9

Lada phi wan phai sha U Trai, te kito kiba la rah koidi ïa ki ba-ha-ïing ha-sem jong phi kin sngewsynei ïa ki, bad shah ïa ki ban wan phai pat sha ïing. U Trai U Blei jong phi u long uba sbun bad uba dap da ka jingisynei, bad lada phi wan phai sha u, un pdiang ïa phi.”

SALM 103:17

Hynrei ïa kito kiba pyndonburom ïa U Trai, ka jingieit jong u ka neh junom, bad ka jingbha jong u ka ïaisah pateng la pateng

SALM 103:8

U Trai u long uba isynei bad uba dap da ka jingieit, uba suki ban bitar bad uba dap da ka jingieit baneh.

SALM 103:9

Um ju ïai mai lynter; um bitar junom.

SALM 145:8

U Trai u long uba dap da ka jingieit bad uba isynei, uba suki ban bitar bad uba dap da ka jingieit baneh.

SALM 79:5

A Trai, Hato men bitar ïa ngi shi junom? Hato ka jingbitar jong me kan bteng ban pluh kum ka ding?

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

ISAÏAH 31:6

U Trai u la ong, “Phi ki paid Israel, phi la leh pop pyrshah ïa nga bad ïeng ïaleh ïa nga. Hynrei mynta, to phai pat sha nga!

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

JEREMAÏAH 11:6

Nangta U Trai u la ong ha nga, “Khie leit sha ki nongbah jong ka Judah bad sha ki lynti jong ka Jerusalem. Pynbna ïa ka khubor jong nga hangta bad ïathuh ïa ki briew ban shahshkor ïa ki kyndon jong ka jutang bad ban kohnguh ïa ki.

JEREMAÏAH 12:15

Hynrei hadien ba nga la shim noh ïa ki, ngan don jingisynei halor jong ki; ngan wallam pat ïa kawei pa kawei ka jaitbynriew sha ka ri jong ka bad sha ka shnong jong ka.

JEREMAÏAH 23:8

Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:14

“Ko ki briew bymïaineh, to wan noh; phi long ki jong nga. Ngan shim iwei na phi na kawei kawei ka shnong bad ar ngut na kawei kawei ka kur, bad ngan wallam pat ïa phi sha u lum Seïon.

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 3:5

Men ym ïai bitar; men ym khih bitar ïa nga shi junom.’ Ko Israel kata ka dei kaei kaba pha la ong, hynrei pha la leh ïa ka jingsniew kat kaba pha lah.”

JEREMAÏAH 3:7

Nga la pyrkhat ba hadien ba ka la leh ïa kane baroh, da kaba thikna kan sa wan phai pat sha nga. Hynrei kam shym wan phai, bad ka Judah ka para bymïaineh jong ka, ka la ïohi ïa kata baroh.

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:21

To pynïeng ki jingkdew lynti bad pruid dak ha ka surok; to wad biang ïa ka lynti kaba phi la iehnoh. To wan phai biang, ko phi ki paid Israel, to wan sha la ka ri, sha ki shnong kiba phi la iehnoh.

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

JEREMAÏAH 4:1

U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

ESEKIEL 11:17

“Kumta to ïathuh ha ki ïa kaei kaba ma nga, U Trai Nongsynshar, nga ong. Ngan lumlang ïa ki na ki ri sha kiba nga la pynsakma ïa ki, bad ngan ai pat ïa ka ri Israel ha ki.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 39:25

U Trai Nongsynshar u ong, “Hynrei mynta ngan sngewsynei ïa ki khun ki ksiew u Jakob, ki briew ka Israel, bad ngan pynmanbha biang ïa ki. Ngan ïada ïa la ka kyrteng bakhuid jong nga.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

LEBITIKOS 26:40

“Hynrei ki khun ki ksiew jong phi kin phla ïa la ki pop jong ki bad ki pop jong ki kpa tymmen jong ki, kiba pyneh ïa nga bad ïaleh pyrshah ïa nga,

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

DEUTERONOMI 30:2

Lada ma phi bad ki khun ki ksiew jong phi phin phai pat sha U Trai, bad kohnguh da ka dohnud jong phi baroh, bad da ka mynsiem jong phi baroh ïa ki hukum jong u kiba nga ai ha phi mynta ka sngi,