JEREMAÏAH 3:1 - Khasi CL Bible (BSI)

¹ U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

KA BAIBL

¹ Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

JEREMAÏAH 3:1 ပူးပေါင်းရင်းမြစ်များ

SALM 106:38

Ki la pynïap ïa kito ki khun balui lui, bad ïa ka ri la pynjyrsieh da kita ki jingpynïap briew.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 2:23

Kumno me lah ban ong ba mem shym la pyntngit ïa lade, ba mem pat ju mane ïa u Baal? Ha khmih kumno me la leh pop ha ka them; ha peit kaei me la leh. Me long kum ka ut khlaw ha ka por jingkwah shongkha jong ka, kaba mareh laitluid kylleng,

JEREMAÏAH 2:7

Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

JEREMAÏAH 22:20

Ko phi ki briew ka Jerusalem, khie leit sha Lebanon bad pyrta jam, khie leit sha ka ri Bashan bad to kyang; pyrta na ki lumbah ka Moab, namar baroh kiba ïateh lok bad phi ki la shahjop.

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 3:9

bad kam shym lehrain satia. Ka la pyntngit ïa ka ri, bad ka la leh awria da kaba mane ïa ki maw bad ki dieng.

JEREMAÏAH 31:22

Haduh katno phin pynslem, ko ki briew bym don jingngeit? Nga la thaw kaei kaei kaba thymmai bad kaba pher, kaba pher kum ka briew kaba ïada ïa u briew.”

JEREMAÏAH 4:1

U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

ESEKIEL 16:26

Pha la shah ïa ki paramarjan bakwah brai, ki nong Ijipt ban leit ïathiah bad pha, bad pha la pyndonkam ïa ka jingleh nuti jong pha ban pynbitar ïa nga.

ESEKIEL 16:30

Kane ka long kaei kaba U Trai Nongsynshar u ong: “Pha la leh ïa kane baroh kum ka nuti ka bym don jinglehrain.

ESEKIEL 16:35

Mynta te, ko Jerusalem, pha ka nuti! Sngap ïa kaei kaba U Trai u ong.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

MIKAH 2:10

To ïeng joit bad mihnoh; naba ym don shuh ka jingshngain hangne. Ki pop jong phi ki la long jingtim sha ka jingpynjot ïa kane ka jaka.

SEKHARAÏAH 1:3

hynrei mynta nga ong ha phi, ‘To wan phai sha nga bad ngan wan phai sha phi.

MATHAÏOS 5:31

“La ong ruh, ‘Uno uno uba pyllait ïa la ka tnga u dei ban ai ïa ka, ka jingthoh pynbna ïa ka jingpyllait tnga.’

DEUTERONOMI 22:21

te ki dei ban leit ïalam ïa kata ka briew ha khmat ka jingkhang ïing u kpa jong ka, bad ki rangbah jong kata ka shnong kin lynthem maw ïa ka hangta haduh ba kan da ïap. Ka la leh ïa kaei kaei kaba jahburom ha Israel da kaba pynjot ïa la ka jingsotti shuwa ka jingshongkurim. Da kumta phin pynduh noh ïa kane ka jingbymman napdeng jong phi.

NONGBISHAR 19:2

hynrei ka la bitar ïa u, ka leit phai pat sha ïing u kpa jong ka ha Bethlehem, bad ka sah hangta saw bnai.