JEREMAÏAH 29:8 - Khasi CL Bible (BSI)

⁸ Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

KA BAIBL

⁸ Naba kumne u ong U Trai ki paid, U Blei ki Israel: “Wat shah ïa ki nongïathuhlypa jong phi kiba hapdeng jong phi, bad ki nongkhan jong phi, ba kin shukor ïa phi, lymne wat sngap ïa ki jingphohsniew ïa kiba phi phohsniew.

JEREMAÏAH 29:8 ပူးပေါင်းရင်းမြစ်များ

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 23:16

U Trai Badonbor Baroh u ong ha ki briew ka Jerusalem: “Wat sngap ïa kaei kaba ki nongïathuhlypa ki ong; ki pyndap ïa phi da ki jingkyrmen bymshisha. Ki ïathuh ïa phi ïa kaei kaba ki shu mutdur bad ym ïa kaei kaba nga la ong.

JEREMAÏAH 23:21

U Trai u ong, “Ngam shym la phah ïa kine ki nongïathuhlypa, hynrei wat la katta ki leit la ka leit. Ngam shym la ai kano kano ka khubor ha ki, hynrei pynban ki kren ha ka kyrteng jong nga.

JEREMAÏAH 23:25

Nga tip aïu kito ki nongïathuhlypa ki la ong, ki da kren lamler ha ka kyrteng jong nga bad kam ba nga la ai ha ki ïa ki khubor jong nga ha ki jingphohsniew jong ki.

JEREMAÏAH 23:27

Ki pyrkhat ba ki jingphohsniew ba ki ïathuh kin pynlong ïa ki briew jong nga ban klet ïa nga, kumba ki kpa jong ki, ki la klet ïa nga bad phai sha u Baal.

JEREMAÏAH 27:9

Wat shahshkor ïa ki nongïathuhlypa jong phi lane ïa uno uno uba kam ba u lah ban ïathuh lypa ïa la lawei, la ka long da ki jingphohsniew lane da kaba khot ïa ki mynsiem jong kiba ïap lane da ka myntor. Ma ki baroh kim ong ïa phi ban pyndem ha u syiem jong ka Babilonia.

JEREMAÏAH 28:15

Nangta nga la ong ïa kane ha u Hananaïah, bad nga la bynrap, “To shahshkor, ko Hananaïah! U Trai um shym la phah ïa me, bad la pynlong ïa kine ki briew ban ngeit ïa ka lamler.

JEREMAÏAH 29:1

Nga la thoh ka shithi sha ki lyngdoh, ki nongïathuhlypa, ki nongïalam jong ki paidbah bad sha baroh kiwei pat kiba u Nebukhadnessar u la rah kum ki koidi na Jerusalem sha Babilonia.

JEREMAÏAH 29:15

“Phi ong ba U Trai u la ai ïa ki nongïathuhlypa ha phi ha Babilonia.

JEREMAÏAH 29:21

“U Trai Badonbor Baroh, U Blei ki Israel, u la kren shaphang u Ahab u khun jong u Kolaïah bad u Sedekaïah u khun jong u Maaseïah, kiba ïathuh ki jinglamler ha ka kyrteng jong U. U la ong ba un aiti ïa ki ha ka bor jong u Nebukhadnessar u syiem ka Babilonia, u ban pynïap ïa ki ha khmat jong phi.

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 37:9

Ma nga U Trai, nga maham ïa me ban ym shukor ïa lade da kaba pyrkhat ba ki nong Babilonia kin ym wan shuh, namar kin sa wan biang.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 13:6

Ki jingïohipaw jong ki, ki long kiba bakla, bad ki jingïathuh lypa jong ki, ki long kiba lamler. Ki kam ba ki kren ïa ka khubor jong nga, hynrei ngam shym la phah ïa ki. Pynban ki khmih lynti ba ki ktien jong ki kin urlong shisha!

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

SEKHARAÏAH 13:4

Haba kata ka por ka poi, yn ym don nongïathuhlypa u ban sngewsarong ïa ki jingïohipaw jong u lane leh kum u nongïathuhlypa lane kup ïa ka jaiñkup bakhain jong u nongïathuhlypa khnang ban shukor ïa ki briew.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

LOUKAS 21:8

U Jisu u la ong, “Sumar; wat shah shukor. Kiba bun ki rangbah, kiba kam ba ki kren na ka bynta jong nga, kin wan bad ong, ‘Nga long ma u!’ bad, ‘Ka por ka la poi!’ Hynrei wat bud ïa ki.

LOUKAS 6:26

“Katno kaba shyrkhei haba baroh ki briew ki kren bha shaphang jong phi; ki kpa tymmen jong ki, ki la kren ïa kijuh kiei kiei shaphang ki nongïathuhlypa lamler.”

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.