JEREMAÏAH 28:9 - Khasi CL Bible (BSI)

⁹ Hynrei ïa u nongïathuhlypa uba ïathuh lypa ïa ka jingsuk lah ban ithuh ïa u kum u nongïathuhlypa uba U Trai u la phah shisha haba ki jingïathuhlypa jong uta u nongïathuhlypa kin urlong shisha.”

KA BAIBL

⁹ Uta u nongïathuhlypa uba ïathuhlypa ïa ka jingsuk, haba ka ktien jong uta u nongïathuhlypa kan jia long, hangta keiñ yn sa ithuh ïa u nongïathuhlypa, ba U Trai u la phah shisha ïa u.”

JEREMAÏAH 28:9 ပူးပေါင်းရင်းမြစ်များ

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 4:10

Nangta nga la ong, “Ko Trai Nongsynshar, me la shukor la biang ïa ki briew jong ka Jerusalem! Me la ong ba kan don ka jingsuk, hynrei ka waitlam ka ha ki pdot jong ki.”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 8:11

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

ESEKIEL 33:33

Hynrei haba ki ktien jong me ki wan urlong — bad kin wan urlong shisha — te kin sa tip ba pleng hapdeng jong ki u don u nongïathuhlypa.”

DEUTERONOMI 18:21

“Phi lah ban lyngngoh kumno phi lah ban ong haba ka khubor u nongïathuhlypa kam shym wan na U Trai.

DEUTERONOMI 18:22

Lada u nongïathuhlypa u kren ha ka kyrteng U Trai bad kata kaba u kren kam shym urlong, kata kam dei ka khubor U Trai. Uta u nongïathuhlypa u la kren na lade hi, bad phim dei ban sheptieng ïa u.