JEREMAÏAH 28:8 - Khasi CL Bible (BSI)

⁸ Ki nongïathuhlypa kiba la kren slem bah mynshuwa, ha shuwa ka por jong nga bad jong phi, ki la ïathuhlypa shaphang kata ka thma, ka jingïapthngan, bad ïa ka jingpang ki ban wan ha ki jaitbynriew babun bad ha ki hima bakhrawbor.

KA BAIBL

⁸ Kita ki nongïathuhlypa kiba la long mynhyndai mynshuwa jong nga bad mynshuwa jong me ki la ïathuhlypa pyrshah ïa bun ki ri, bad pyrshah ïa ki hima ki bakhraw, shaphang ka thma, bad shaphang ka jingsniew, bad shaphang ka jingïapkhlam.

JEREMAÏAH 28:8 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 22:17

U Mikaïah u jubab, “Nga ïohi ïa ka kynhun shipai jong ki Israel ba ki sakma ha ki lum kum ki langbrot khlem u nongsharai. Bad U Trai u ong, ‘Kine ki rangbah kim don nongïalam; ai kin leit phai noh sha ïing da kaba suk.’ ”

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 13:18

Da ki ryntieh bad ki khnam jong ki, kin pynïap ïa samla shynrang. Kin ym pyn-i jingisynei ïa ki khunlung bad kin ym sngewsynei ïa ki khynnah.

AMOS 1:1

Kine ki long ki ktien u Amos, u nongaplangbrot na ka shnong Tekoa. Ar snem shuwa u jumai, mynba u Ussaïah u long u syiem ka Judah, bad u Jeroboam u khun jong u Joash u long u syiem ka Israel, U Blei u la pynpaw ha u Amos ïa kine kiei kiei baroh shaphang ki Israel.

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

JONAH 3:1

Sa shisien pat U Trai u la kren ha u Jonah.