JEREMAÏAH 27:7 - Khasi CL Bible (BSI)

⁷ Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

KA BAIBL

⁷ Bad ki jaid bynriew baroh kin shakri ïa u, bad ïa u khun jong u, bad ïa u khun u khun jong u, ha ban da poi ka por ka ri jong u hi: hangta te shibun ki jaid bynriew bad ki syiem ki bakhraw kin pynlong shakri ïa u ha ki.

JEREMAÏAH 27:7 ပူးပေါင်းရင်းမြစ်များ

SALM 37:13

hynrei U Trai u rkhiebeiñ ïa ki bymman, namar u tip ba shen kin sa shah pynjot.

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 21:9

Kynsan, hangne ki wan! Ki rangbah halor jong ki kulai, shi jur shi jur. U nongap phira u ai ka khubor, “Ka Babilon ka la kyllon! Baroh ki bleithaw kiba ki la mane ki la kyllon ha ka jingpait jingpra ha madan.”

JEREMAÏAH 27:22

Yn sa rah ïa ki sha Babilonia bad kin sah hangta tad haduh ba ngan da phai ka jingmut jong nga sha ki. Nangta ngan wallam pat ïa ki bad buh biang ïa ki ha kane ka jaka. Ma nga, U Trai, nga la kren.”

JEREMAÏAH 34:1

U Trai u la kren ha nga mynba u Nebukhadnessar u syiem ka Babilonia bad ka kynhun shipai jong u, ba la kyrshan da ki shipai na baroh ki hima bad ki jaitbynriew kiba la hap hapoh ka jingsynshar jong u, ki la tur ïaleh ïa ka Jerusalem bad ki shnong ba-marjan.

JEREMAÏAH 44:30

Ngan aiti noh ïa u Hophra u syiem ka Ijipt ha ki nongshun jong u kiba kwah ban pynïap ïa u, kumba nga la aiti ïa u Sedekaïah u syiem ka Judah ha u Nebukhadnessar u syiem ka Babilonia, uba la long u nongshun jong u bad uba kwah ban pynïap ïa u.”

JEREMAÏAH 46:13

Mynba u Nebukhadnessar, u syiem ka Babilonia u la wan ban tur ïaleh ïa ka Ijipt, U Trai U la kren ha nga. U ong,

JEREMAÏAH 52:31

Ha ka snem kaba u Ebilmerodakh u la long u syiem ka Babilonia, u la pyn-i jinglehisynei ïa u Jehoïakhin u syiem ka Judah da kaba pyllait ïa u na ka byndi. Kane ka la jia ha ka sngi kaba arphew san jong u bnai uba khat-ar ha ka snem kaba laiphew hynñiew hadien ba la rah noh ïa u Jehoïakhin kum u koidi.

ESEKIEL 30:24

Nangta ngan pynlong ïa ki ksang'ti jong u syiem ka Babilonia kaba khlaiñ bad ngan buh ïa ka waitlam jong nga ha ki kti jong u. Hynrei ngan pynkheiñ ïa ki ksang'ti jong u syiem ka Ijipt, bad un ud bad ïap ha khmat u nongshun jong u.

DANIEL 2:37

Ko Syiem Kynrad, phi long uba khraw tam na ki syiem baroh. U Blei ka bneng u la pynlong ïa phi u patsha bad u la ai ha phi ka bor, ka jingkhlaiñ, bad ka burom.

DANIEL 4:22

“Ko Syiem Kynrad, phi long u dieng, uba jrong bad uba khlaiñ. Phi la long khraw haduh katta kat ban kynjoh ïa ka sahit bneng, bad ka bor jong phi ka ïar halor ka pyrthei baroh kawei.

HABAKKUK 2:7

Hynrei ha shuwa ba phin tip ïa ka, phi kiba la jop ïa kiwei phin don ha ka ram ïa lade bad shah pynbor ban siew ïa ka sut. Ki nongshun kin wan bad pynkyiuh ïa phi. Kin thombor ïa phi!

HABAKKUK 2:8

Phi la thombor ïa ki briew jong ki hima kiba bun, hynrei mynta kito kiba la lait im kin thombor ïa phi namar ki kam pynïap briew ba phi la leh bad namar ki jingleh jubor jong phi pyrshah ïa ki briew jong ka pyrthei bad ki nongbah jong ka.

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.