JEREMAÏAH 27:6 - Khasi CL Bible (BSI)

⁶ Nga long uta uba la buh ïa kine ki jaitbynriew baroh hapoh ka bor jong u shakri jong nga, u Nebukhadnessar u syiem ka Babilonia, bad nga la pynlong wat ïa ki mradkhlaw ban shakri ïa u.

KA BAIBL

⁶ Mynta te nga la ai noh ïa kine ki ri baroh ha ka kti u Nebukhadnessar u syiem ka Babilon, u shakri jong nga; bad ïa ki mrad ha khlaw nga la ai ha u ban shakri ïa u.

JEREMAÏAH 27:6 ပူးပေါင်းရင်းမြစ်များ

2 SYIEM 25:28

U Ebilmerodakh u la lehsbun ïa u, bad u ai ha u ïa ka kyrdan kaba kham donburom ban ïa kaba u ai ïa kiwei pat ki syiem kiba la shah ringmraw sha Babilonia.

2 KHRONIKL 36:23

“Kane ka dei ka hukum jong u Syros, u Patsha ka ri Persia. U Trai, U Blei ka Bneng, u la pynlong ïa nga u nongsynshar halor ka pyrthei baroh kawei bad u la ai ha nga ka jingkitkhlieh ban tei ïa ka templ na ka bynta jong u ha Jerusalem kaba ha Judah. Mynta, ma phi baroh kiba long ki briew jong U Blei, khie leit shata, bad to ai ba U Trai U Blei jong phi un long lem bad phi.”

ISAÏAH 44:28

Nga ong ha u Syros, ‘Me long uta u ban synshar na ka bynta jong nga; men leh ïa kaei kaba nga kwah ïa phi ban leh; men hukum ïa ka Jerusalem ban tei biang bad ïa ki nongrim jong ka Templ ban seng pat.’ ”

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 22:25

bad ngan ai ïa me ha ki briew ïa kiba me sheptieng, ki briew kiba kwah ban pynïap ïa me. Ngan ai ïa me ha u Nebukhadnessar u syiem ka Babilonia bad ha ki shipai jong u.

JEREMAÏAH 24:1

U Trai u pyn-i ha nga ar shang ki soh Dumbur ba la buh ha khmat ka Templ. (Kane ka long hadien ba u Nebukhadnessar u syiem ka Babilonia u la ringmraw ïa u Jehoïakhin, u syiem ka Judah, u khun jong u Jehoïakim, kum u koidi na Jerusalem, lem bad ki nongïalam ka Judah, ki nongtrei dieng, bad ki nongtrei batbit.)

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 28:14

U Trai Badonbor Baroh, U Blei ki Israel, u la ong ba un buh ka lyngkor nar halor kine ki jaitbynriew baroh bad ba kin shakri ïa u syiem Nebukhadnessar jong ka Babilonia. U Trai u la ong ba un pynlong wat ïa ki mradkhlaw ban shakri ïa u Nebukhadnessar.”

JEREMAÏAH 43:10

Nangta sa ïathuh ïa ki ba ma nga, U Trai Badonbor Baroh, U Blei ki Israel, ngan wallam ïa u shakri jong nga u Nebukhadnessar u syiem ka Babilonia sha kane ka jaka, bad un buh ïa ka khet jong u halor kine ki maw kiba me la tep, bad un pyiar ïa ka ïingjaiñ syiem halor jong ki.

JEREMAÏAH 49:30

“Ko ki briew ka Hasor, ma nga, U Trai, nga maham ïa phi ban phet noh bad ban leit rieh. U Nebukhadnessar, u syiem ka Babilonia u la ïasylla pyrshah ïa phi, bad kane ka dei kaei kaba u ong,

ESEKIEL 29:12

Ngan pynlong ïa ka Ijipt ka ri ba sah kynjah tam ha ka pyrthei. Na ka bynta sawphew snem ki nongbah ka Ijipt kin sah ha ka jingjot, ki jingjot kiba kham sniew ban ïa kito ha kiwei pat ki nongbah. Ngan pynlong ïa ki nong Ijipt ki nongphetwir. Kin phet sha man ki ri bad ban im hapdeng kiwei pat ki jaitbynriew.”

ESEKIEL 30:24

Nangta ngan pynlong ïa ki ksang'ti jong u syiem ka Babilonia kaba khlaiñ bad ngan buh ïa ka waitlam jong nga ha ki kti jong u. Hynrei ngan pynkheiñ ïa ki ksang'ti jong u syiem ka Ijipt, bad un ud bad ïap ha khmat u nongshun jong u.

DANIEL 4:12

Ki sla jong u ki long kiba itynnat, bad la pynshlei ïa u da ki soh — kiba kyrhai na ka bynta ka pyrthei baroh kawei ban bam. Ki mradkhlaw ki pynjahthait ha ka syrngiew jong u, ki sim ki shna ïa ki skum ha ki tnat jong u, bad baroh ki jait jingthaw ba-im ki la bam ïa u soh jong u.

DANIEL 4:22

“Ko Syiem Kynrad, phi long u dieng, uba jrong bad uba khlaiñ. Phi la long khraw haduh katta kat ban kynjoh ïa ka sahit bneng, bad ka bor jong phi ka ïar halor ka pyrthei baroh kawei.