JEREMAÏAH 27:22 - Khasi CL Bible (BSI)

²² Yn sa rah ïa ki sha Babilonia bad kin sah hangta tad haduh ba ngan da phai ka jingmut jong nga sha ki. Nangta ngan wallam pat ïa ki bad buh biang ïa ki ha kane ka jaka. Ma nga, U Trai, nga la kren.”

KA BAIBL

²² “Yn leit lam noh ïa ki sha Babilon, bad hangta kin long, haduh kata ka sngi ba ngan wan-i ïa ki,” ong U Trai; “ynda kumta, ngan wallam artet ïa ki, bad ngan pynphai noh pat ïa ki sha kane ka jaka.”

JEREMAÏAH 27:22 ပူးပေါင်းရင်းမြစ်များ

2 SYIEM 25:13

Ki nong Babilonia ki pynpait lyngkhot lyngkhai ïa ki rishot rnong bad ïa ki kali kiba don ha ka Templ, lem bad ka pipa rnong kaba heh, bad ki kit ïa baroh ka rnong sha Babilon.

2 KHRONIKL 36:21

Bad kumta ïa kaei kaba U Trai u la ïathuh mynshuwa lyngba u Jeremaïah u nongïathuhlypa la pyndep: “Ka ri kan sa sah kynjah haduh hynñiewphew snem, ban pynïabiang ïa ka jingshongthait Sabbaton, ïa kaba ym pat shym la rakhe.”

ESRA 1:11

Ha baroh ki don san hajar sawspah tylli ki pliang ksiar bad pliang rupa bad kiwei ki tiar ki tar kiba u Sheshbassar u la shim mynba ma u bad kiwei kiba la shah ringmraw ki la leit na Babilon sha Jerusalem.

ESRA 7:19

Phi dei ban ai sngewbha sha U Blei ha Jerusalem ïa baroh ki khiew ki pliang ïa kiba la ai ha phi ban pyndonkam ha ki jingshakri ha ka Templ.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

JEREMAÏAH 20:5

Ngan shah ruh ba ki nongshun jong ki kin lute ïa baroh ka spah jong kane ka nongbah bad kurup ïa ka jingdon jingem baroh, wat ïa ki jingkynshew jong ki syiem ka Judah, bad kit noh ïa kiei kiei baroh sha Babilonia.

JEREMAÏAH 27:21

“To shahshkor ïa kaei kaba ma nga, U Trai Badonbor Baroh, U Blei ka Israel, nga ong shaphang ki jingkynshew kiba la iehnoh hapoh ka Templ bad hapoh ka ïingsyiem ha Jerusalem:

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 29:10

“U Trai u ong, ‘Haba ki hynñiewphew snem jong ka Babilonia ki la kut, ngan pyn-i ïa ka jingsngewkhia jong nga na ka bynta jong phi bad bat ïa ka kular jong nga ban wallam pat ïa phi sha ïing.

JEREMAÏAH 32:5

Ïa u Sedekaïah yn rah noh sha Babilonia bad un sah hangta haduh ba ngan da pyndep ïa kaei ban leh ïa u. Wat lada un ïaleh ïa ki nong Babilonia, un ym lah ban jop. Ma nga U Trai, nga la kren.”

JEREMAÏAH 34:2

U Trai, U Blei ki Israel, u la ong ha nga ban leit bad ban ong ïa u Sedekaïah u syiem ka Judah, “Ma nga, U Trai, ngan ai ïa kane ka nongbah ha u syiem ka Babilonia, bad un thang duh ïa ka.

JEREMAÏAH 34:3

Phin ym lait im; yn kem ïa phi bad yn ai noh ïa phi sha u. Phin ïohi ïa u markhmat bad kren ïa u da lade hi; te nangta phin leit sha Babilonia.

JEREMAÏAH 34:5

Men ïap ha kaba suk, bad kumba ki briew ki thang jingiwbih haba ki tep ïa ki kpa tymmen jong me, kiba long ki syiem ha shuwa jong me, ha kajuh ka rukom kin thang ki jingiwbih na ka bynta jong me. Kin ïambriew namar jong me bad kin ong, ‘U syiem jong ngi u la ïap!’ Ma nga, U Trai, nga la kren.”

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 9:2

Ha ka snem kaba nyngkong jong ka jingsynshar jong u, nga la pule bniah ïa ki kitab bakyntang bad pyrkhat shaphang ki hynñiewphew snem kiba ka Jerusalem kan don ha ki jingpra, kat kum kaei kaba U Trai u la lah ïathuh ha u Jeremaïah u nongïathuhlypa.