JEREMAÏAH 27:21 - Khasi CL Bible (BSI)

²¹ “To shahshkor ïa kaei kaba ma nga, U Trai Badonbor Baroh, U Blei ka Israel, nga ong shaphang ki jingkynshew kiba la iehnoh hapoh ka Templ bad hapoh ka ïingsyiem ha Jerusalem:

KA BAIBL

²¹ shisha keiñ, kumne u ong U Trai ki paid, U Blei ki Israel, shaphang kita ki khiew ki pliang ïa kiba la pynsah ha ka ïing U Trai, bad ha ka ïing u syiem ka Judah, bad ha Jerusalem:

JEREMAÏAH 27:21 ပူးပေါင်းရင်းမြစ်များ

2 SYIEM 20:17

ba ka por ka poi haba ïa kiei kiei kiba ha ka ïingsyiem, kiei kiei kiba ki kpa tymmen ki la kynshew haduh kane ka sngi, yn rong noh sha Babilonia. Yn ym don ei ei ka ban sah.

2 KHRONIKL 36:18

U syiem ka Babilonia u lute ïa ka Templ, ïa ka ïing jingkynshew ka Templ, bad ka spah jong u syiem bad ki rangbah synshar jong u, bad u kit baroh sha Babilon.

ESRA 1:11

Ha baroh ki don san hajar sawspah tylli ki pliang ksiar bad pliang rupa bad kiwei ki tiar ki tar kiba u Sheshbassar u la shim mynba ma u bad kiwei kiba la shah ringmraw ki la leit na Babilon sha Jerusalem.

ESRA 1:7

U Syros u la pynphai pat sha ki ïa ki pliang bad ki khuri kiba u syiem Nebukhadnessar u la rah na ka Templ ha Jerusalem bad ba u la buh ha ka templ jong ki blei jong u.

JEREMAÏAH 20:5

Ngan shah ruh ba ki nongshun jong ki kin lute ïa baroh ka spah jong kane ka nongbah bad kurup ïa ka jingdon jingem baroh, wat ïa ki jingkynshew jong ki syiem ka Judah, bad kit noh ïa kiei kiei baroh sha Babilonia.

JEREMAÏAH 27:22

Yn sa rah ïa ki sha Babilonia bad kin sah hangta tad haduh ba ngan da phai ka jingmut jong nga sha ki. Nangta ngan wallam pat ïa ki bad buh biang ïa ki ha kane ka jaka. Ma nga, U Trai, nga la kren.”

SNGEWSYNEI 1:10

Ki nongshun jong ka ki la lute ïa ka jingkynshew jong ka baroh. Ka la ïohi ïa ki, ba ki rung sha ka Templ hi, ha kaba U Trai u la lah khang ïa ki Jentil ban leit.