JEREMAÏAH 27:13 - Khasi CL Bible (BSI)

¹³ Balei ba ma phi bad ki briew jong phi phin ïap ha ka thma lane ha ka jingïapthngan lane ha ka jingpang? Kata ka dei kaei kaba U Trai u la ong ba kan jia ïa kano kano ka jaitbynriew ka bym pyndem ha u syiem ka Babilonia.

KA BAIBL

¹³ Balei phin ïap, ma me bad ki briew jong me, da ka waitlam, da ka 'nemsniew, bad da ka jingïapkhlam, kumba U Trai u la kren shaphang kata ka jaid bynriew ka ban ym shakri ïa u syiem ka Babilon?

JEREMAÏAH 27:13 ပူးပေါင်းရင်းမြစ်များ

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

JEREMAÏAH 17:4

Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 27:8

“Hynrei lada kano kano ka jaitbynriew lane ka hima kam pyndem ha ka jingsynshar jong u, te ngan pynshitom ïa kata ka jaitbynriew da ka thma, ka jingïapthngan bad da ka jingpang tad haduh ba ngan da shah ïa u Nebukhadnessar ban pynjot khoit ïa ka.

JEREMAÏAH 38:2

U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

JEREMAÏAH 38:20

Nga la ong, “Yn ym aiti noh ïa phi sha ki. Nga kyrpad ïa phi ban kohnguh ïa ka khubor U Trai; te baroh kan bha ïa phi, bad ïa ka jingim jong phi yn pynsah.

JEREMAÏAH 38:23

Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”

ESEKIEL 14:21

Kane ka dei kaei kaba U Trai Nongsynshar u ong: “Ngan phah ïa ki saw tylli ki jingpynshitom basniew tam jong nga ha ka Jerusalem — ka thma, ka 'nemsniew, ki mradkhlaw, bad ka jingpang — ban pynjot ïa ki briew bad ki mrad kumjuh.

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?