JEREMAÏAH 26:9 - Khasi CL Bible (BSI)

⁹ Balei ba me la kren ha ka kyrteng jong U Trai ba kane ka Templ kan long kum ka Shiloh bad ba ïa kane ka nongbah yn pynjot bad yn ym don bashong ba sah hangta?” Nangta ki briew ki ïalum sawdong ïa nga.

KA BAIBL

⁹ Balei ba me la ïathuhlypa ha ka kyrteng U Trai, me da ong, ‘Kane ka ïing kan long kum ka Sheiloh, bad kane ka shnong kan long kaba kynjah, ka bymshong briew’?” Bad u paidbah baroh ki la ïalang ha u Jeremaïah ha ka ïing U Trai.

JEREMAÏAH 26:9 ပူးပေါင်းရင်းမြစ်များ

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

JEREMAÏAH 32:3

U syiem Sedekaïah u la set byndi ïa nga hangta bad u la mudui ba nga la pynbna ba U Trai u la ong, “Ngan pynlong ba u syiem ka Babilonia un kurup ïa kane ka nongbah, bad u syiem Sedekaïah un ym lait im.

JEREMAÏAH 33:10

U Trai u la ong, “Ki briew ki ïa-ong ba kane ka jaka ka long kum ka ri shyiap, ba kam don ki briew ne ki mrad kiba im ha ka. Bad ki ong ïa kaba dei; ki shnong ka Judah bad ki surok bah ka Jerusalem ki long thylli; ym don ki briew ne ki mrad kiba im hangta.

JEREMAÏAH 36:29

U Trai u la ong ïa nga ban ong ha u syiem, “Me la thang ïa ka kot kli, bad me la kylli ïa u Jeremaïah balei ba u la thoh ba u syiem ka Babilonia un wan bad pynjot ïa kane ka ri bad pynïap ïa ki briew jong ka bad ki mrad jong ka.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

AMOS 5:10

Phi ki briew phi isih ïa uta uba pyrshah ïa ka jingbymhok bad kren ïa ka jingshisha baroh ha ka ïingbishar.

MIKAH 2:6

Ki briew ki ïalap ha nga bad ki ong, “Wat ïalap ha ngi. Wat ïalap shaphang kata baroh. U Blei un ym pynjahburom ïa ngi.

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 27:20

Ki rangbah lyngdoh bad ki tymmen ki san ki la pynkohnguh ïa u paidbah ban kyrpad ïa u Pilat ban pyllait ïa u Barabbas bad ban pynïap ïa U Jisu.

MARKOS 15:11

Hynrei ki rangbah lyngdoh ki la pynkhih ïa u paidbah ban pan ba u Pilat un pyllait ïa u Barabbas na ka bynta jong ki.

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.

ÏOANNIS 8:59

Nangta ki la ïa-khar ïa ki maw ban lynthem ïa u, hynrei U Jisu u la buhrieh ïa lade bad u la mihnoh na ka Templ.

KI KAM 13:50

Hynrei ki Jiw ki la pynkhih ïa ki rangbah bapawkhmat jong ka nongbah bad ïa ki kynthei Jentil kiba don ha ki kyrdan kiba halor ha ka imlang ka sahlang kiba la mane ïa U Blei. Ki la sdang ban pynshitom beiñ pyrshah ïa u Paul bad u Barnabas bad ki la beh ïa ki shabar na ka thain jong ki.

KI KAM 21:30

Ka jingkulmar ka la pur ha ka nongbah baroh kawei, bad ki briew ki la ïamareh lang, ki la kem ïa u Paul, bad ki la patan ïa u shabar jong ka Templ. Shisyndon hi la khang ïa ki jingkhang jong ka Templ.

KI KAM 22:22

Ki paidbah ki la pynshahshkor ïa u Paul haduh ba un da dep kren; hynrei pynban ki la sdang ban kyang jam eh, “Pynduh ïa u! Pynïap ïa u! Um long uba bit ban im!”

KI KAM 3:11

Katba uta u briew u don ryngkat bad u Petros bad u Ïoannis ha ka baranda u Solomon, kumba la khot ïa ka, ki paidbah ki la sngewlyngngoh bad ki la mareh sha ki.

KI KAM 5:12

Ki apostol ki la leh shibun ki kambah bad ki kamphylla hapdeng ki briew. Baroh ki riewngeit ki la ïakynduh lang ha ka baranda u Solomon.

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”

KI KAM 6:14

Ngi la ïohsngew ïa u ba u ong ba une U Jisu uba na Nasareth un sa pynkyllon ïa ka Templ bad pynkylla ïa ki rukom kiba la wan sha ngi lyngba u Moses!”

JOSHUA 18:1

Hadien ba ki la jop ïa ka ri, ka kynhun Israel baroh kawei ka la ïalumlang ha Shiloh bad pynïeng ïa ka Ïingjaiñ Ka Jingdon Ryngkat U Trai.