JEREMAÏAH 26:6 - Khasi CL Bible (BSI)

⁶ Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

KA BAIBL

⁶ te ngan pynlong ïa kane ka ïing kum ka Sheiloh, bad ngan pynlong ka jingtim ïa kane ka shnong ha ki jaid bynriew baroh jong ka khyndew.” ’ ”

JEREMAÏAH 26:6 ပူးပေါင်းရင်းမြစ်များ

2 SYIEM 22:19

bad kylla-kaba-mut bad pynrit ïa lade ha khmat jong nga, kad ïa ki jaiñ jong phi bad ïam, haba phi ïohsngew kumno nga byrngem ban pynshitom ïa ka Jerusalem bad ki briew jong ka. Ngan pynlong ïa ka kaba ishyrkhei ban peit, ka jaka ha kaba ïa ka kyrteng jong ka, ki briew kin pyndonkam kum ka jingtim. Hynrei nga la ïohsngew ïa ka jingduwai jong phi,

ISAÏAH 43:28

bad ki nongsynshar jong phi ki la pyntngit ïa ka ïingkyntang jong nga. Kumta nga la wallam ka jingpynjot ha Israel; nga shah ïa ki briew jong nga ban shah rkhiebeiñ.”

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 25:18

Ïa ka Jerusalem bad ki shnong baroh jong ka Judah, lem bad ki syiem bad ki nongïalam jong ka, la pynlong ïa ki ban dih na ka, khnang ba kin kylla long ka ri shyiap, ka jaka kaba ishyrkhei bad pynkyndit ban peit; bad khnang ba ki briew kin pyndonkam ïa ki kyrteng jong ki kum ka jingtim — katba ki dang ïai leh.

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 29:22

Haba ki briew kiba la shah rah noh kum ki koidi na Jerusalem sha Babilonia ki kwah ban wallam ka jingtim hano hano, kin ong, ‘To U Trai un ñiew ïa phi kum u Sedekaïah bad u Ahab, kiba u syiem ka Babilonia u la syang im!’

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

SNGEWSYNEI 2:15

Ki briew kiba ïaid najan ka nongbah ki khmih sha pha da ka jingibeiñ. Ki pynkhih ïa la ki khlieh bad ki rkhie ïa ka jingjot ka Jerusalem. “Hato kane ka dei kata ka nongbah ba-itynnat? Hato kane ka dei ka jingsarong jong ka pyrthei?”

SNGEWSYNEI 2:16

Baroh ki nongshun jong pha ki rkhiebeiñ ïa pha bad ki khmih ïa pha da ka jingisih. Ki pynran ïa la ki rmiang shyntur bad kren khlem burom, “Ngi la pynjot ïa ka! Kane ka long ka sngi kaba ngi la ïa-ap khmih!”

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

SEKHARAÏAH 5:3

Nangta u la ong ha nga, “Halor jong ka la thoh ïa ka jingtim kaba dei ban leit sha ka ri baroh kawei. Ha kawei ka liang jong ka kot kli ka ong ba ïa uwei pa uwei u nongtuh yn weng noh na ka ri; bad ha kawei pat ka liang ka ong ba ïa uno uno uba ïathuh lamler hapoh ka jingsmai yn shim noh ïa u ruh.

MALAKHI 4:6

Un wallam lang ïa ki kpa bad ki khun sa shisien; lym kumta ngan hap ban wan bad pynjot ïa ka ri jong phi.”

JOSHUA 18:1

Hadien ba ki la jop ïa ka ri, ka kynhun Israel baroh kawei ka la ïalumlang ha Shiloh bad pynïeng ïa ka Ïingjaiñ Ka Jingdon Ryngkat U Trai.