JEREMAÏAH 26:5 - Khasi CL Bible (BSI)

⁵ bad da kaba pynshahshkor ïa ki kyntien jong ki nongïathuhlypa, ki shakri jong nga, kiba nga la ju ïai phah sha phi. Phim pat ju kohnguh ïa kaei kaba ki la ong.

KA BAIBL

⁵ ïa ka ban sngap ïa ki ktien ki shakri jong nga ki nongïathuhlypa, ïa kiba nga phah ha phi, da kaba khie dang step bad phah ïa ki, hynrei, phim shym sngap;

JEREMAÏAH 26:5 ပူးပေါင်းရင်းမြစ်များ

2 SYIEM 17:13

U Trai u phah ïa ki nonglamktien bad ki nongïathuhlypa ban maham ïa ki Israel bad Judah: “Iehnoh noh ïa ki lynti kynriang bad kohnguh ïa ki hukum jong nga, ïa kiba la don ha ka Aiñ kaba nga la ai ïa ki kpa tymmen jong phi bad kaba nga la aiti pateng ha phi lyngba ki shakri jong nga bad ki nongïathuhlypa.”

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

2 SYIEM 24:2

U Trai u phah ïa ki kynhun kieng atiar jong ka Babilonia, ka Syria, ka Moab, bad ka Ammon pyrshah ïa u Jehoïakim ban pynjot ïa ka Judah, kumba U Trai u la ong lyngba ki nongïathuhlypa ki shakri jong u ba un leh.

2 SYIEM 9:7

Me dei ban pynïap ïa u syiem uba long u kynrad jong me, uto keiñ u khun jong u Ahab khnang ba ngan ïoh pynshitom ïa ka Jesebel namar ba ka la pynïap ïa ki nongïathuhlypa jong nga bad ïa kiwei pat ki shakri jong nga.

ESRA 9:11

Ki la ong ha ngi ba ka ri kaba ngin ïohkynti, ka long ka ri ka bymkhuid namar ki briew kiba shong basah ha ka, ki la pyndap ïa ka naduh kawei ka bynta shaduh kawei pat da kiei kiei kiba isaitmet bad ki kam ba-ijli.

JEREMAÏAH 11:7

Haba nga wallam ïa ki kpa tymmen jong ki na Ijipt, nga la maham kyntang ïa ki ban kohnguh ïa nga, bad nga la ïai maham ïa ki briew tad haduh kane ka sngi.

JEREMAÏAH 29:19

Kane kan jia ha ki namar kim shym la kohnguh ïa ka khubor kaba nga ju ïai phah sha ki lyngba ki nongïathuhlypa, ki shakri jong nga. Ki la kyntait ban shahshkor.

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 7:13

Phi la leh ïa kine ki pop baroh, bad wat la nga la kren ïa phi bad ïai kren, phi la kyntait ban shahshkor. Phin ym jubab haba nga la khot ïa phi.

JEREMAÏAH 7:25

Naduh ka sngi ba ki kpa tymmen jong phi ki la mihnoh na Ijipt haduh kane hi ka sngi, nga la ïai phah ïa ki shakri jong nga, ki nongïathuhlypa, sha phi.

ESEKIEL 38:17

Dei ma me uta uba nga kren la slem bah, haba nga pynbna lyngba ki shakri jong nga, ki nongïathuhlypa ka Israel, ba ha ki sngi ki ban wan ngan sa wallam ïa uno uno ban tur ïaleh ïa ki Israel.” U Trai Nongsynshar u la kren.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

JINGPYNPAW 10:7

Hynrei haba u angel uba hynñiew u put ïa la ka turoi, te U Blei un pyndep ïa ka jingthmu barieh jong u, kumba u la pynbna ha la ki shakri, ki nongïathuhlypa.”

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”