JEREMAÏAH 26:3 - Khasi CL Bible (BSI)

³ Lehse ki briew kin shahshkor bad iehnoh ïa la ki lynti basniew. Lada ki leh kumta, te ngan kylla ïa la ka jingmut shaphang ka jingpynjot kaba nga la thmu ban wallam halor jong ki na ka bynta ki kam bymman jong ki.”

KA BAIBL

³ Lehse kin sngap, bad kin phai noh uwei uwei ruh na la ka lynti sniew; ba ngan ïoh kylla-ka-bamut na kata ka jingsniew, kaba nga thmu ban leh ïa ki namar ka jingsniew ki jingleh jong ki.

JEREMAÏAH 26:3 ပူးပေါင်းရင်းမြစ်များ

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

1 SYIEM 21:29

“Me la ïohi ne em kumno u Ahab u la pynrit ïa lade ha khmat jong nga? Namar ba u la leh kumne, ngan ym pynjot ïa u katba u dang im; kan long ha ka pateng u khun jong u, ba ngan wallam ka jingjot ha ka longïing jong u Ahab.”

JEREMAÏAH 26:13

Phi dei ban pynkylla ïa ka rukom kaba phi im bad ïa kiei kiei baroh kiba phi leh, bad phi dei ban kohnguh ïa U Trai U Blei jong phi. Lada phi leh kumta, un kylla ïa la ka jingmut na ka jingpynjot kaba u la ong ba un wallam halor jong phi.

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 36:7

Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

ESEKIEL 12:3

“Mynta, ko khun u briew, to teh ïa ka song kumba u nongphetwir u leh bad mihnoh ha shuwa ban wan ka miet. Ai ba uwei uwei baroh un ïohi ba me mihnoh bad leit sha kawei pat ka jaka. Lehse kito kiba ïeng ïaleh pyrshah kin ïohi ïa me.

ESEKIEL 18:21

“Lada u briew uba sniew u sangeh ban leh pop bad u sumar ïa ki aiñ jong nga, lada u leh ïa kaba dei bad kaba bha, un ym ïap; un im da shisha.

HOSIA 11:9

Ngan ym pynshitom ïa phi ha ka jingbitar jong nga; ngan ym pynjot shuh ïa ki Israel. Namar nga dei U Blei bad ym u briew. Ma nga, uta Uba Khuid ngan long bad phi. Ngan ym wan sha phi ha ka jingbitar.

JOEL 2:14

Lehse U Trai U Blei jong phi un kylla ka jingmut bad un kyrkhu ïa phi da ki jingthung bakyrhai. Te phin lah ban ainguh ha u da u kew bad ka waiñ.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.