JEREMAÏAH 26:24 - Khasi CL Bible (BSI)

²⁴ Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

KA BAIBL

²⁴ Hynrei, ka kti u Ahikam u khun u Shaphan ka la don bad u Jeremaïah, ba kin ym ïoh ai noh ïa u ha ka kti u paidbah ban pynïap ïa u.

JEREMAÏAH 26:24 ပူးပေါင်းရင်းမြစ်များ

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

2 SYIEM 25:22

U Nebukhadnessar u syiem ka Babilonia u pynlong ïa u Gedalaïah, u khun jong u Ahikam bad u ksiew jong u Shaphan, kum u lat ka Judah, bad u buh ïa u ban khmih ïa baroh kito kiba ym pat shym la ïalam sha Babilonia.

2 KHRONIKL 34:20

bad u ai ïa kane ka hukum harum ha u Hilkaïah, u Ahikam u khun jong u Shaphan, u Abdon u khun jong u Mikaïah, u Shaphan, u sekretari ka ïingbishar, bad u Asaïah, u nongbud jong u syiem:

JEREMAÏAH 29:3

Nga la ai ïa ka shithi ha u Elasah u khun jong u Shaphan bad ha u Gemaraïah u khun jong u Hilkaïah, ïa uba u Sedekaïah u syiem ka Judah u phah sha u Nebukhadnessar u syiem ka Babilonia. Ka ong:

JEREMAÏAH 36:10

Nangta, katba baroh ki briew ki dang ïasngap, u Barukh u la pule na ka kot kli ïa kiei kiei baroh kiba nga la lah ong. U la leh ïa kane ha ka Templ, na ka kamra jong u Gemaraïah u khun jong u Shaphan, u sekretari ka ïingbishar. Ka kamra jong u ka don ha ka phyllaw kaba haneng hajan ka jaka ban rung sha ka Khyrdop Bathymmai jong ka Templ.

JEREMAÏAH 36:11

U Mikaïah, u khun jong u Gemaraïah bad u khun ksiew jong u Shaphan, ki la ïohsngew ba u Barukh u la pule na kot kli ïa kaei kaba U Trai u la lah ong.

JEREMAÏAH 36:12

Te u la leit sha ka ïingsyiem, sha ka kamra u sekretari ka ïingbishar, ha kaba baroh ki rangbah synshar ki dang don ha ka jingïalang. U Elishama, u sekretari ka ïingbishar, u Delaïah u khun jong u Shemaïah, u Elnathan u khun jong u Akhbor, u Gemaraïah u khun jong u Shaphan, u Sedekaïah u khun jong u Hananaïah, bad baroh kiwei pat ki rangbah synshar ki la don hangta.

JEREMAÏAH 36:19

Te ki la ong ha u, “Ma me bad u Jeremaïah phi dei ban leit noh bad ban rieh. Wat ai ïano ïano ban tip hangno phi ïadon.”

JEREMAÏAH 36:26

Nangta u la hukum ïa u khun syiem Jerahmeel, ryngkat bad u Seraïah u khun jong u Asriel bad u Shelemaïah u khun jong u Abdeel, ban kem ïa nga bad ïa u sekretari jong nga u Barukh. Hynrei U Trai u la buhrieh ïa ngi.

JEREMAÏAH 39:14

Ki la buh ïa nga hapoh ka jingsumar u Gedalaïah, u khun jong u Ahikam bad u ksiew jong u Shaphan, u ban peit ba nga poi suk sha ïing. Bad kumta nga la sah hangta hapdeng ki briew.

ESEKIEL 8:11

Hynñiewphew ngut ki nongïalam Israel ki don hangta, kynthup ïa u Jaasanaïah u khun jong u Shaphan. Uwei pa uwei u bat ïa u khiew thang jingiwbih, bad ka tdem ka dang kiew na ka jingiwbih.

KI KAM 23:10

Ka jingïakajia ka la shit haduh katta katta ba u rangbah ai hukum u la sheptieng ïoh ba kin tar lyngkhot lyngkhai ïa u Paul. Kumta u hukum ïa ki shipai jong u ban leit sha ka kynhun, ban shim noh ïa u Paul na ki, bad ïalam ïa u shapoh ka kut shipai.

KI KAM 27:43

Hynrei u rangbah shipai u la kwah ban pyllait im ïa u Paul, kumta u la khang ïa ki na kaba leh ïa kane. Pynban, u la hukum ïa kito kiba lah ban jngi ban ryngkoh nyngkong bad ban jngi sha ryngkew;

JINGPYNPAW 12:16

Hynrei ka khyndew ka la ïarap ïa kata ka briew; ka la ang ïa la ka shyntur bad ka la nguid ïa ka um kaba la wan tuid na ka shyntur jong u Ïakjakor.