JEREMAÏAH 26:20 - Khasi CL Bible (BSI)

²⁰ (La don uwei pat u briew, u Uriah u khun jong u Shemaïah na Kiriath Jearim, uba la kren ha ka kyrteng jong U Trai pyrshah ïa kane ka nongbah bad ka jaitbynriew kumba u Jeremaïah u la leh.

KA BAIBL

²⁰ Bad la don ruh u briew uba la ïathuhlypa ha ka kyrteng U Trai, u Uriah u khun u Shemaïah u nong Kiriath-jearim; bad u la ïathuhlypa pyrshah ïa kane ka shnong bad pyrshah ïa kane ka ri katba kum ki ktien u Jeremaïah baroh:

JEREMAÏAH 26:20 ပူးပေါင်းရင်းမြစ်များ

1 SYIEM 18:10

Da U Trai uba im, U Blei jong phi, nga smai ba u syiem u la phah wad ïa phi ha baroh sawdong ki ri ka pyrthei. Haba uno uno u nongsynshar ka ri u ïathuh ba phim don ha ka ri jong u, u Ahab un dawa na uta u nongsynshar ban smai ba phi long u bym lah ban shem.

2 SYIEM 23:37

Da kaba bud ïa ka jingleh ki kpa tymmen jong u, u Jehoïakim u la leh pop pyrshah ïa U Trai.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 36:19

Te ki la ong ha u, “Ma me bad u Jeremaïah phi dei ban leit noh bad ban rieh. Wat ai ïano ïano ban tip hangno phi ïadon.”

JOSHUA 15:60

Don ka Kiriath Baal (lane ka Kiriath Jearim) bad ka Rabbah: ar tylli ki nongbah lem bad ki nongrit sawdong jong ki.

JOSHUA 18:14

Nangta u khun sha kawei pat ka liang, da kaba phai shathie na ka liang sepngi jong uta u lum bad u suh shaduh ka Kiriath Baal (lane ka Kiriath Jearim), kaba dei jong ka jait Judah. Une u dei u pud uba shaphang sepngi.

JOSHUA 9:17

Kumta ki paid Israel ki la mihnoh, bad hadien lai sngi ki la poi ha ki nongbah ha kaba kine ki briew ki shong: Ka Gibeon, ka Shephirah, ka Beeroth bad ka Kiriath Jearim.

1 SAMUEL 6:21

ki phah ïa ki nonglamktien sha ki nong Kiriath Jearim ban ong, “Ki Philistia ki la pynphai ïa ka Synduk Ka Jutang U Trai. Ale wan shim noh ïa ka.”

1 SAMUEL 7:2

Ka Synduk ka Jutang U Trai ka don slem bha ha Kiriath Jearim, kumba arphew snem. Ha kata ka por, ki Israel baroh ki la kyang ha U Trai ban ïoh jingïarap.