JEREMAÏAH 26:19 - Khasi CL Bible (BSI)

¹⁹ U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

KA BAIBL

¹⁹ “Hato u Hesekaïah u syiem ka Judah bad ki Judah baroh ki la pynïap ïa u? U la sheptieng ne em ïa U Trai, bad u la kyrpad ne em ïa ka jingisynei U Trai, bad U Trai u la kylla-ka-bamut na kata ka jingsniew kaba u la kren pyrshah ïa ki? Kumne ngi la leh sniew pyrshah ïa la ki jong ki mynsiem.”

JEREMAÏAH 26:19 ပူးပေါင်းရင်းမြစ်များ

2 SAMUEL 24:16

Haba u angel U Trai u la jan pynjot ïa ka Jerusalem, U Trai u la kylla ka jingmut ban pynshitom ïa ki briew bad u ong ha u angel uba pynïap ïa ki, “Sangeh! Ka la biang katto!” U angel u la don hajan ka jaka shoh kew jong u Araunah, u nong Jebus.

2 KHRONIKL 32:20

Nangta u syiem Hesekaïah bad u nongïathuhlypa Isaïah u khun jong u Amos ki duwai ha U Blei bad ki khot kyrpad ïa u ban ïoh jingïarap.

2 KHRONIKL 34:21

“Khie leit bad kylli na U Trai na ka bynta jong nga bad na ka bynta ki briew kiba dang sah ha Israel bad Judah. Wad bniah shaphang ki jinghikai na kane ka kitab. U Trai u bitar ïa ngi namar ki kpa tymmen jong ngi kim shym la kohnguh ïa ka ktien U Trai bad kim shym la leh ïa kaei kaba kane ka kitab ka ong ban leh.”

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

ISAÏAH 26:21

U Trai u wan na ka jaka shong jong u na bneng ban pynshitom ïa ki briew jong ka pyrthei namar ki pop jong ki. Ki jingpynïap briew ha ka pyrthei ïa kiba la leh ha kaba rieh, yn pynpaw, bad ka khyndew kan ym lah shuh ban buhrieh ïa kito ïa kiba la pynïap.

ISAÏAH 37:1

Mar ïa ïohsngew ïa kane ka khubor, u syiem Hesekaïah u la tar ïa la ki jaiñ ha ka jingsngewsih, u la phong ki jaiñ khain, bad u la leit sha ka Templ jong U Trai.

ISAÏAH 37:4

U patsha ka Assyria u la phah ïa u rangbah synshar jong u, uba ha khlieh ban ñiewbeiñ ïa U Blei ba-im. Ai ba U Trai U Blei jong phi un ïohsngew ïa kine ki jingkrenbeiñ bad pynshitom ïa kito kiba kren ïa ki. Kumta to duwai ha U Blei na ka bynta kito ki briew jong ngi kiba lait im.”

JEREMAÏAH 26:15

Hynrei to tip skhem ïa kane: Lada phi pynïap ïa nga, ma phi bad ki briew jong kane ka nongbah phin long kiba la rem ha kaba pynïap ïa u briew uba lui lui namar u dei U Trai uba la phah ïa nga ban ai ha phi ïa kane ka jingmaham.”

JEREMAÏAH 26:3

Lehse ki briew kin shahshkor bad iehnoh ïa la ki lynti basniew. Lada ki leh kumta, te ngan kylla ïa la ka jingmut shaphang ka jingpynjot kaba nga la thmu ban wallam halor jong ki na ka bynta ki kam bymman jong ki.”

JEREMAÏAH 44:7

“Bad kumta ma nga, U Trai Badonbor Baroh, U Blei ki Israel, mynta nga kylli ba balei phi leh kum kata ka kam kaba sniew ïa lade. Hato phi kwah ban wallam ïa ka jingpynjot ha ki rangbah bad ki kynthei, ki khynnah bad ki khunlung, khnang ba yn ym don na ki briew jong phi ban dang sah?

AMOS 7:3

U Trai u kylla noh la ka jingmut bad u ong, “Kaei kaba phi la ïohi kan ym jia.”

HABAKKUK 2:10

Hynrei ki buit jong phi ki wanrah ka jinglehrain ha la ka longïing; da kaba pynjot ïa ki jaitbynriew babun phi la wallam tang ka jingjot ha lade.

SEKHARAÏAH 7:2

Ki briew ka Bethel ki la phah ïa u Shareser bad ïa u Regemmelekh bad ïa ki rangbah jong ki sha ka Templ jong U Trai Badonbor Baroh ban duwai na ka bynta ka jingkyrkhu jong U Trai

JINGKHEIÑ 16:38

Ki kylla long kiba khuid haba la wanrah ïa ki ha ka duwan U Trai. Kumta, shim ïa ki khiew buh ding jong kita ki briew kiba la shah pynïap namar ki pop jong ki, shoh pynstang ïa ki ban shna jingtap ïa ka duwan. Kan long ka jingmaham ïa ki Israel.”

MATHAÏOS 23:35

Kaba mih na kata, ka jingpynshitom na ka bynta ka jingpynïap ïa baroh ki rangbah balui lui kan hap halor jong phi, naduh ka jingpynïap ïa u Abel balui lui haduh ka jingpynïap ïa u Sakharaïah u khun jong u Berakhaïah, ïa uba phi la pynïap hapdeng ka Templ bad ka duwan.

KI KAM 5:39

hynrei lada ka wan na U Blei, phim lah ban jop ïa ki. Phi lah ban shem ïa lade kiba ïaleh pyrshah ïa U Blei!” Ka Dorbar ka la kohnguh ïa ka jingai jingmut jong u Gamaliel.

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”