JEREMAÏAH 26:16 - Khasi CL Bible (BSI)

¹⁶ Nangta ki nongïalam bad ki paidbah ki ong ha ki lyngdoh bad ki nongïathuhlypa, “Une u briew u la kren ha ngi ha ka kyrteng jong U Trai U Blei jong ngi; um dei ban shah pynïap.”

KA BAIBL

¹⁶ Ynda kumta, ki rangbah bad u paidbah baroh ki la ong ha ki lyngdoh bad ha ki nongïathuhlypa: “Une u briew um dei ban ïap; naba u la kren ha ngi ha ka kyrteng U Trai U Blei jong ngi.”

JEREMAÏAH 26:16 ပူးပေါင်းရင်းမြစ်များ

ESTHER 4:14

Lada pha sngap jar ha ka por kum kane, ka jingïarap kan wan na bneng ïa ki Jiw, bad kin lait im, hynrei phan ïap, bad ka longïing u kpa jong pha kan kut noh. Pynban mano ba lah ban tip — lehse ka dei na ka bynta ka por kum kane ba la pynlong mahadei ïa pha!”

SALM 94:16

Uei uba ïeng na ka bynta jong nga pyrshah ïa ki bymman? Uei uba don ha ka liang jong nga pyrshah ïa ki nongleh sniew?

PROBERB 16:7

Haba phi pynsngewbha ïa U Trai, phi lah ban pynkylla paralok ïa ki nongshun jong phi.

JEREMAÏAH 26:11

Nangta ki lyngdoh bad ki nongïathuhlypa ki la ong ha ki nongïalam bad ha ki briew, “Une u briew u dei hok ban shah pynrem ban ïap namar ba u kren pyrshah ïa ka nongbah jong ngi. Phi la ïohsngew ïa u da la ki jong ki shkor.”

JEREMAÏAH 34:10

Baroh ki briew bad ki nongïalam jong ki, ki la ïamynjur ban pyllaitluid noh ïa la ki mraw bad ban ym pynlong mraw shuh ïa ki.

JEREMAÏAH 36:19

Te ki la ong ha u, “Ma me bad u Jeremaïah phi dei ban leit noh bad ban rieh. Wat ai ïano ïano ban tip hangno phi ïadon.”

JEREMAÏAH 36:25

Wat la u Elnathan, u Delaïah, bad u Gemaraïah ki la kyrpad ïa u syiem ban ym thang ïa ka kot kli, um patiaw satia ïa ki.

JEREMAÏAH 37:15

Ki la bitar haduh katta katta ïa nga bad hukum ban shoh ïa nga bad ban set ïa nga ha ka ïing u Jonathan, u sekretari ka ïingbishar, kaba ïa ka ïing jong u la pynlong ka byndi.

MATHAÏOS 27:54

Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

LOUKAS 23:41

Ïa ngi, pynban, ka long kaba dei hok, namar ba ngi ïoh ïa kaei kaba ngi dei ban ïoh na ka bynta kaei kaba ngi la leh; hynrei, um shym la leh kano kano ka bym dei.”

LOUKAS 23:47

U rangbah shipai u la ïohi ïa kaei kaba la jia, bad u la ïaroh ïa U Blei, da kaba ong, “Da shisha u la long u briew uba bha!”

KI KAM 23:29

Nga la shem ba um shym la leh kaei kaei kaba u dei ban ïap lane ban shah set byndi; ka jingmudui pyrshah ïa u ka dei bad ki jingkylli shaphang ka hukum jong ki hi.

KI KAM 23:9

Ka jingpyrta ka la kham jam, bad katto katne ngut na ki nonghikai ka Hukum kiba dei ki jong ka kynhun ki Pharisi ki la ïeng bad ki la pyrshah jur: “Ngim shem kano kano kaba bakla bad une u briew! Lehse u mynsiem lane u angel u la kren shisha ha u!”

KI KAM 25:25

Hynrei ngam shem ba u la leh kaei kaei kaba u dei ban shah rai pynïap. Bad namar ba ma u hi u la lah apil sha u Patsha, nga la rai ban phah ïa u sha u.