JEREMAÏAH 25:9 - Khasi CL Bible (BSI)

⁹ ‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

KA BAIBL

⁹ ha khmih, ngan phah shim ïa ki kur na shatei baroh,” ong U Trai, “bad ngan phah sha u Nebukhadressar u syiem ka Babilon, u shakri jong nga, bad ngan wallam ïa ki pyrshah ïa kane ka ri, bad pyrshah ïa kiba shong ha ka, bad pyrshah ïa baroh kine ki jaid bynriew kiba baroh sawdong; bad ngan pynjot noh khoit ïa ki, bad ngan pynlong ïa ki ka jinglyngngoh, bad ka jingkynshi, bad ki jingkynjah kiba ha la ka rta.

JEREMAÏAH 25:9 ပူးပေါင်းရင်းမြစ်များ

2 SYIEM 24:2

U Trai u phah ïa ki kynhun kieng atiar jong ka Babilonia, ka Syria, ka Moab, bad ka Ammon pyrshah ïa u Jehoïakim ban pynjot ïa ka Judah, kumba U Trai u la ong lyngba ki nongïathuhlypa ki shakri jong u ba un leh.

2 KHRONIKL 29:8

Namar kane, U Trai u la bitar ïa ka Judah bad ka Jerusalem, bad kaei kaba u la leh ïa ki ka la pynkyndit bad pyntieng ïa uwei pa uwei. Phi tip bha shaphang kane.

2 KHRONIKL 36:21

Bad kumta ïa kaei kaba U Trai u la ïathuh mynshuwa lyngba u Jeremaïah u nongïathuhlypa la pyndep: “Ka ri kan sa sah kynjah haduh hynñiewphew snem, ban pynïabiang ïa ka jingshongthait Sabbaton, ïa kaba ym pat shym la rakhe.”

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

ISAÏAH 10:5

U Trai u ong, “Ko Assyria! Nga pyndonkam ïa ka Assyria kum u dieng tangon ban pynshitom ïa kito kiba nga bitar.

ISAÏAH 13:3

U Trai u la khot ïa ki shipai jong u kiba sarong bad kiba sngewskhem ban ïaleh ïa ka thma bakhuid bad ban pynshitom ïa kito kiba u bitar.

ISAÏAH 39:7

Khyndiat na ki khun ki ksiew jong me hi yn sa ïalam noh bad ban pynlong ki ïunukh ban shakri ha ka ïingsyiem jong u syiem ka Babilonia.”

ISAÏAH 44:28

Nga ong ha u Syros, ‘Me long uta u ban synshar na ka bynta jong nga; men leh ïa kaei kaba nga kwah ïa phi ban leh; men hukum ïa ka Jerusalem ban tei biang bad ïa ki nongrim jong ka Templ ban seng pat.’ ”

JEREMAÏAH 1:14

U ong ha nga, “Ka jingpynjot kan thnam na ka phang bashatei halor baroh kiba shong basah ha kane ka ri,

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 10:22

To shahshkor! Ka khubor ka wan! Ka don ka jingkhihwin bakhraw ha ka jaitbynriew bashatei; ka kynhun shipai jong ka kan pynkylla ïa ki nongbah ka Judah sha ka ri shyiap, ka jaka ha kaba ki shong ki myrsiang.”

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 18:16

Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 25:8

“Kumta te, namar ba phim shym la shahshkor ïa u, U Trai Badonbor Baroh u ong,

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 35:11

Hynrei mynba u syiem Nebukhadnessar u la hiarthma ïa ka ri, ngi la rai ban wan sha Jerusalem ban lait na ki kynhun shipai ka Babilonia bad ka Syria. Dei na kane ka daw balei ba ngi ïashong ïasah ha Jerusalem.”

JEREMAÏAH 36:2

“Shim ïa ka kot kli bad thoh ha ka ïa baroh kaba nga la ong ha me shaphang ka Israel bad ka Judah bad baroh ki jaitbynriew. Thoh lut ïa baroh kaba nga la ong ha me naduh ka por ba nga la kren nyngkong ha me, mynba u Josaïah u long syiem, haduh mynta.

JEREMAÏAH 36:29

U Trai u la ong ïa nga ban ong ha u syiem, “Me la thang ïa ka kot kli, bad me la kylli ïa u Jeremaïah balei ba u la thoh ba u syiem ka Babilonia un wan bad pynjot ïa kane ka ri bad pynïap ïa ki briew jong ka bad ki mrad jong ka.

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 40:2

U rangbah shipai u la khot ïa nga sharud bad u la ong,

JEREMAÏAH 43:10

Nangta sa ïathuh ïa ki ba ma nga, U Trai Badonbor Baroh, U Blei ki Israel, ngan wallam ïa u shakri jong nga u Nebukhadnessar u syiem ka Babilonia sha kane ka jaka, bad un buh ïa ka khet jong u halor kine ki maw kiba me la tep, bad un pyiar ïa ka ïingjaiñ syiem halor jong ki.

JEREMAÏAH 46:20

Ka Ijipt ka long kum ka masi baphylla, ba la tur ïaleh da u skain ba kynthah na shatei.

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

JEREMAÏAH 8:16

Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

ESEKIEL 12:20

Ïa ki nongbah kiba mynta ki dap da ki briew yn pynjot, bad ïa ka ri yn pynkylla ri khlaw. Nangta te kin tip ba nga long U Trai.”

ESEKIEL 16:40

“Kin pynkhih buk ïa u paidbah ban lynthem maw ïa pha, bad kin ot lyngkhot ïa pha da ki waitlam jong ki.

ESEKIEL 21:11

Ïa ka waitlam la nang pynphyrnai, ba kan long kaba la pynkhreh ban pyndonkam. La pynnep bad pynphyrnai, ban buh ha ki kti u nongpynïap.

ESEKIEL 26:7

U Trai Nongsynshar u ong, “Ngan wallam ïa u syiem bakhraw tam na baroh — u Nebukhadnessar u syiem ka Babilonia — ban tur ïaleh ïa ka Tyros. Un wan na shaphang shatei ryngkat bad ka kynhun shipai babun, lem bad ki kulai bad ki kali ïapom bad ki nongshong kulai.

ESEKIEL 36:5

“Ma nga, U Trai Nongsynshar, nga la kren ha ka jingbitar lep jong nga pyrshah ïa ki jaitbynriew kiba don sawdong bad khamtam pyrshah ïa ka Edom. Da kaba shadkmen bad da kaba leh ibeiñ, ki kurup ïa ka ri jong nga bad shim kynti ïa ki jaka phlang jong ka.

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.

HABAKKUK 1:12

A Trai, naduh kaba nyngkong eh me long U Blei. Me long U Blei jong nga, uba khuid bad uba bymjukut. A Trai, U Blei jong nga bad u nongïada, me la jied ïa ki nong Babilonia bad pynlong ïa ki, kiba khlaiñ khnang ba kin lah ban pynshitom ïa ngi.

HABAKKUK 1:17

Hato kin pyndonkam ïa la ki waitlam junom bad ïai pynjot ïa ki jaitbynriew khlem jingisynei?

DEUTERONOMI 28:37

Ki briew ha ki ri sha kiba U Trai un pynsakma ïa phi, kin kyndit ïa kata kaba la jia ha phi; kin sa krenbeiñ bad rkhiebeiñ ïa phi.