JEREMAÏAH 25:6 - Khasi CL Bible (BSI)

⁶ Ki ong ïa phi ban ym mane bad shakri ïa kiwei pat ki blei bad ban ym pynlong ïa U Trai ban bitar da kaba mane ïa ki bleithaw kiba phi la thaw. Lada phi la kohnguh ïa U Trai, te un ym pynshitom ïa phi.

KA BAIBL

⁶ bad wat leit bud ïa kiwei pat ki blei ban shakri ïa ki, bad ban mane ïa ki, bad wat pankwah ïa nga ban bitar da ka kam ki kti jong phi; te ngan ym pynsniew ïa phi.’

JEREMAÏAH 25:6 ပူးပေါင်းရင်းမြစ်များ

1 SYIEM 14:22

Ki paid Judah ki la leh pop pyrshah ïa U Trai bad ki leh palat ban pynkhih bitar ïa U pyrshah ïa ki ban ïa kaba ki kpa tymmen jong ki baroh ki la leh.

2 SYIEM 17:35

U Trai u la pynlong ka jutang bad ki bad u la hukum ïa ki: “Wat mane ïa kiwei ki blei; wat dem khrup ha ki lane shakri ïa ki lane ai ki jingkñia ïa ki.

EKSODOS 20:23

Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 20:3

“Wat mane ïa uwei pat u blei hynrei tang ïa nga.

JEREMAÏAH 32:30

Naduh kaba sdang eh jong ka histori jong ki, ki paid Israel bad ki paid Judah ki la pynsngewsih ïa nga bad ki la pynbitar ïa nga da kaei kaba ki la leh.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 44:7

“Bad kumta ma nga, U Trai Badonbor Baroh, U Blei ki Israel, mynta nga kylli ba balei phi leh kum kata ka kam kaba sniew ïa lade. Hato phi kwah ban wallam ïa ka jingpynjot ha ki rangbah bad ki kynthei, ki khynnah bad ki khunlung, khnang ba yn ym don na ki briew jong phi ban dang sah?

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

DEUTERONOMI 13:2

khnang ban ïalam ïa phi ban mane bad shakri ïa ki blei kiba phim pat ju mane mynshuwa. Wat la kata kaba u kular ka urlong shisha, wat shahshkor ïa u.

DEUTERONOMI 28:14

Hynrei phim bit ban kyntait ban kohnguh ïa ki ha kano kano ka rukom, lane mane bad shakri ïa kiwei pat ki blei.

DEUTERONOMI 6:14

Wat mane ïa kiwei pat ki blei, ïa kino kino ki blei jong kita ki jaitbynriew kiba don sawdong jong phi.

DEUTERONOMI 8:19

Lada phi klet ïa U Trai U Blei jong phi, bad phi phai sha kiwei pat ki blei ban mane bad ban shakri ïa ki, nga maham jur ïa phi ha kane ka sngi ba phin ïap da shisha.

JOSHUA 24:20

Um lah ban shah ïa kiwei pat kiba ïaleh pyrshah bad u, bad lada phi iehnoh ïa u ban shakri ïa ki blei nongwei, un phai pyrshah ïa phi bad un pynshitom ïa phi. Un pynjot thiaw ïa phi, wat la u long uba bha ïa phi mynshuwa.”