JEREMAÏAH 25:5 - Khasi CL Bible (BSI)

⁵ Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

KA BAIBL

⁵ ki ïa-ong, ‘To phai phi uwei uwei baroh na la ka lynti sniew jong u, bad na ka jingsniew ki jingleh jong u, bad to shong ha ka ri kaba U Trai u la ai ha phi bad ha ki kpa jong phi, naduh mynbarim bad haduh bymjukut:

JEREMAÏAH 25:5 ပူးပေါင်းရင်းမြစ်များ

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

SALM 139:24

To khmih la ka don kano kano kaba sniew ha nga bad to ïalam ïa nga ha ka lynti bymjukut.

SALM 37:27

To phai noh na kaba sniew bad leh ïa kaba bha, bad ki khun ki ksiew jong phi kin ïaishong ïaisah ha ka ri;

ISAÏAH 1:16

To sait pynkhuid ïa lade. Pynsangeh ïa kane ka jingsniew baroh kaba nga ïohi ba pha leh. Ho-oid ban leh ïa kaba sniew

JEREMAÏAH 17:25

Nangta ki syiem bad ki khun syiem shynrang jong ki kin rung ïa ki khyrdop jong ka Jerusalem bad kin don kajuh ka bor ba kynja syiem kaba u Dabid u la don. Ryngkat lem bad ki briew jong ka Judah bad ka Jerusalem, kin shong ha ki kali ïapom bad halor ki kulai, bad ka nongbah Jerusalem kan ïai dap borabor da ki briew.

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 4:1

U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

JEREMAÏAH 7:7

Lada phi kylla, ngan shah ïa phi ban ïaisah hangne hapoh ka ri kaba nga la ai ha ki kpa tymmen jong phi kum ka jingdon jingem kaba neh.

ESEKIEL 18:30

“Mynta, ma nga U Trai Nongsynshar, nga ong ïa phi ki Israel ba ngan bishar ïa phi iwei pa iwei da kaei kaba phi la leh. To phai noh na kaba sniew baroh kaba phi leh, bad wat shah ba ka pop jong phi kan pynjot ïa phi.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.