JEREMAÏAH 25:34 - Khasi CL Bible (BSI)

³⁴ To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

KA BAIBL

³⁴ “ ‘To lynñiar, phi ki nongaplangbrot, bad to kyang; bad to ïaksaid ha ka dpei, phi ki nongïalam jong ka kynhun: naba ki sngi ka jingpynïap ïa phi ki la poi hi, te ngan pynlwet jin ïa phi, bad phin hap kum ka pliang kaba itynnad.

JEREMAÏAH 25:34 ပူးပေါင်းရင်းမြစ်များ

2 KHRONIKL 36:10

Haba ka pyrem ka la poi, u syiem Nebukhadnessar u ïalam ïa u Jehoïakhin sha Babilon kum u koidi, bad u rah lang ïa ki jingkynshew jong ka Templ. Nangta u Nebukhadnessar u pynlong ïa u Sedekaïah u kñi jong u Jehoïakhin kum u syiem ka Judah bad ka Jerusalem.

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 2:16

Un pynngam wat ïa ki liengbah kiba khraw bad kiba itynnat tam.

ISAÏAH 30:14

Phin sa pra kum u khra, uba la phret jin haduh ba ym don shuh ka lyngkhot, da kaba yn lah ban khat ïa ki rnga bakhluit, lane tong um na ka pung-um.”

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 34:6

Ïa ka waitlam jong u yn tap da ka snam bad ka khleiñ jong ki, kum ka snam bad ka khleiñ jong ki langbrot bad ki blang ïa kiba la kñia. U Trai un pynlong ïa kane ka jingkñia ha ka nongbah Bosrah; un pynlong ïa kane ka jingpynïap bakhraw ha ka ri ki Edom.

ISAÏAH 34:7

Ki briew kin kyllon kum ki masi kyrtong khlaw bad ki masi lyngraw, bad ka khyndew kan saw da ka snam bad yn tap da ka khleiñ.

JEREMAÏAH 18:22

To phah ïa u paidbhur ban lute ïa ki ïing jong ki khlem ka jingmaham; pynlong ïa ki ban kyang ha ka jingshyrkhei. Ki la tih ka thliew na ka bynta jong nga ban hap ha ka bad ki la pynap ki jingriam ban pynngat ïa nga.

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 23:1

Katno ka long kaba shyrkhei ka jingbishar U Trai ïa kita ki nongsynshar kiba pynjot bad pynsakma ïa ki briew jong u!

JEREMAÏAH 25:12

Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

JEREMAÏAH 25:36

Phi ud bad ïam ha ka jingsngewsih namar U Trai ha ka jingbitar jong u, u la pynjot ïa ka jaitbynriew jong phi bad un iehnoh ïa ka ri basuk jong phi ha ki jingjot jingpra.

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

JEREMAÏAH 48:26

U Trai u ong, “To pynbuaid ïa ka Moab, namar ka la ïaleh pyrshah ïa nga. Ka Moab kan syntuid ha la ka prie, bad ki briew kin rkhie.

JEREMAÏAH 48:38

Halor ki tnum ïing baroh ha Moab bad ha baroh ki jaka paidbah ym don ei ei hynrei tang ka jingïam sngewsih, namar nga la pynpait ïa ka Moab kum u khra uba ym don shuh mano mano ban kwah.

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

SNGEWSYNEI 4:21

To ïai rkhie, ko ki briew ka Edom bad ka Us; to kmen katba phi dang lah. Ka jingpynjot ïa phi ruh ka wan; ma phi ruh phin ïaid sheng sheng lyngkhuit ha ka jinglehrain.

ESEKIEL 34:20

“Kumta mynta, ma nga, U Trai Nongsynshar, nga ïathuh ha phi ba ngan bishar hapdeng jong phi ïa ki langbrot kiba khlaiñ bad ki langbrot kiba tlot.

DANIEL 11:8

Un rah pat sha Ijipt ïa ki dur jong ki blei jong ki bad ïa ki tiar ksiar bad rupa kiba la pynkyntang sha kito ki blei. Hadien bun bun snem ka jingsuk

HOSIA 8:8

Ki Israel kin long kum kiwei pat ki jaitbynriew bad kin long ki bymlarkam kum u khra ba la pait.

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

SEKHARAÏAH 10:3

U Trai u ong, “Nga bitar ïa kito ki nongwei kiba synshar ïa ki briew jong nga, bad ngan pynshitom ïa ki. Ki paid Judah ki long ki jong nga, bad ma nga, U Trai Badonbor Baroh, ngan sumar ïa ki. Kin long ki kulai thma badonbor jong nga.

SEKHARAÏAH 11:3

Ki nongsynshar ki kyang jam ha ka jingsngewsih; ka burom jong ki ka la leit noh! To pynshahshkor ïa ka jingkyrhuh jong ki sing; ïa ka ïing khlaw jong ki ha shi lynter jong ka Jordan la pynjot.

JAKOB 5:5

Ka jingim jong phi ha kane ka pyrthei ka la long kaba dap da ka jingpahuh bad jingsngewbha. Phi la pynsngaid ïa lade na ka bynta ka sngi ka jingshohdoh.