JEREMAÏAH 25:32 - Khasi CL Bible (BSI)

³² U Trai Badonbor Baroh u ong ba ka jingpynjot kan wan ha ka jaitbynriew kawei hadien kawei pat, bad ka 'erïong kaba jur kan ïalumlang haduh kiba kut jong ka pyrthei.

KA BAIBL

³² “Kumne, u ong U Trai ki paid, ‘Ha khmih, ka jingsniew kan mih na ka jaid bynriew sha ka jaid bynriew, bad ka 'erïong ka bakhraw kan khie na ki bakut ka khyndew.

JEREMAÏAH 25:32 ပူးပေါင်းရင်းမြစ်များ

2 KHRONIKL 15:6

Kawei ka jaitbynriew ka banbeiñ ïa kawei pat ka jaitbynriew, bad kawei ka nongbah ka banbeiñ ïa kawei pat ka nongbah, namar U Blei u wanrah ka jingjynjar bad jingshitom ha ki.

ISAÏAH 30:30

U Trai un shah ïa baroh ban ïohsngew ïa ka sur bamaïan jong u bad ïa ka bor jong ka jingbitar jong u. Kin don ki thylliej ding, ki jingjur eh u slap, ki phria bad u slap khlem sangeh.

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

ISAÏAH 5:28

Ki khnam jong ki, ki long kiba nep, bad ki ryntieh jong ki, ki long kiba la pynkhreh ban siat. Ki poh'jat jong ki kulai jong ki, ki eh kum ki mawshamok bad ki shaka jong ki kali ïapom jong ki, ki kylla long kum ka 'erlangthari.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

JEREMAÏAH 23:19

Ka jingbitar jong U ka long ka 'erïong, ka 'erlangthari ka ban khih bitar halor ki khlieh jong ki bymman,

JEREMAÏAH 30:23

Ka jingbitar jong U Trai ka long ka 'erïong, ka lyer kaba jur eh ka ban beh kyrthep nalor ki khlieh jong ki bymman. Kan ym kut tad ynda u la pyndep ïa baroh kaba u thmu ban leh. Ha ki sngi ki ban wan ki briew kin shemphang kdar ïa kane.

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

JEREMAÏAH 6:23

Ki la shim ïa la ki ryntieh bad ki waitlam; ki long kiba runar bad ki bym don jingisynei. Ki sawa kum ka duriaw bakyrhuh, katba ki shong ha ki kulai jong ki. Ki la pynkhreh ïa ka thma pyrshah ïa ka Jerusalem.”

SEPHANAÏAH 3:8

“Shu ap,” U Trai u ong. “Ap ïa ka sngi haba ngan ïeng ban pynrem ïa ki jaitbynriew. Nga la pynbeit ïa la ka jingmut ban lumlang ïa ki jaitbynriew bad ki hima khnang ban shah ïa ki ban sngew ïa ka bor ka jingbitar jong nga. Ïa ka pyrthei baroh kawei yn pynjot da ka ding ka jingbitar shla jong nga.

LOUKAS 21:10

U la ïai bteng ban ong, “Ki ri kin ïaleh kawei ïa kawei pat; ki hima kin tur ïaleh kawei ïa kawei pat.

LOUKAS 21:25

“Kin don kiei kiei kiba phylla ki ban jia ha ka sngi, ha u bnai, bad ha ki khlur. Ha ka pyrthei, ki ri baroh kin don ha ka jingnoh mynsiem, ki tieng ïa ka jingkyrhuh jong ka duriaw bad ïa ka jingkhih phaloh ki jingat phyllung.