JEREMAÏAH 25:3 - Khasi CL Bible (BSI)

³ “La arphew lai snem, naduh ka snem kaba khatlai ba u Josaïah u khun jong u Amon u la long u syiem ka Judah, haduh kane ka sngi hi, U Trai u la kren ha nga, bad nga la ïai pynsngew ha phi man ka por, hynrei phim shym la pynleit jingmut.

KA BAIBL

³ “Naduh ka bakhatlai snem jong u Josaïah u khun u Amon, u syiem ka Judah, jin haduh kane ka sngi, kine arphew lai snem keiñ, ka ktien U Trai ka la wan ha nga, bad nga la kren ha phi, nga da khie dang step bad nga kren; phi, hynrei, phim shym sngap.

JEREMAÏAH 25:3 ပူးပေါင်းရင်းမြစ်များ

JENESIS 22:3

Dang step phyrngab ha ka sngi kaba bud u Abraham u thlieh ki dieng na ka bynta ka jingkñia, u la pynkit halor ka kada, bad u la ïalam ïa u Isaak lem bad ar ngut ki shakri. Ki la ïamihnoh ban leit sha ka jaka ba U Blei u la ïathuh ha u.

1 SYIEM 22:3

U Ahab u kylli ïa ki rangbah synshar jong u, “Balei ba ngim shym la leh ei ei ban ïohknieh pat ïa ka Ramoth ha Gilead na u syiem Syria? Ka dei ka jong ngi!”

2 SYIEM 17:13

U Trai u phah ïa ki nonglamktien bad ki nongïathuhlypa ban maham ïa ki Israel bad Judah: “Iehnoh noh ïa ki lynti kynriang bad kohnguh ïa ki hukum jong nga, ïa kiba la don ha ka Aiñ kaba nga la ai ïa ki kpa tymmen jong phi bad kaba nga la aiti pateng ha phi lyngba ki shakri jong nga bad ki nongïathuhlypa.”

2 KHRONIKL 24:19

U Trai u la phah ïa ki nongïathuhlypa ban maham ïa ki ban phai pat sha u, hynrei ki paidbah ki kyntait ban shahshkor.

2 KHRONIKL 34:1

U Josaïah u la don phra snem ka rta mynba u long u syiem ka Judah, bad u synshar laiphew wei snem ha Jerusalem.

2 KHRONIKL 34:3

Ha ka snem kaba phra ba u Josaïah u long syiem, haba u dang khynnah bha, u sdang ban mane ïa U Blei jong u syiem Dabid u kpa tymmen jong u. Saw snem hadien u sdang ban pynjot ïa ki jaka mane blei thala, ki dur jong ka blei Asherah, bad baroh kiwei de ki bleithaw.

2 KHRONIKL 34:8

Ha ka snem kaba khatphra jong ka jingsynshar jong u, hadien ba u la pynkhuid ïa ka ri bad ïa ka Templ da kaba pynkut noh ïa ka jingmane blei thala, u syiem Josaïah u phah lai ngut ki rangbah ban tei pynbha ïa ka Templ jong U Trai U Blei: u Shaphan u khun jong u Asalaïah, Maaseïah, u lat ka Jerusalem, bad u Joah u khun jong u Joahas, u rangbah synshar ba-halor.

2 KHRONIKL 36:15

U Trai, U Blei ki kpa tymmen jong ki, u ïai phah ïa ki nongïathuhlypa ban maham ïa ki briew jong u, namar ba u kwah ban da ïa ki bad ïa ka templ.

SALM 81:13

Katno nga kwah ba ki briew jong nga kin shahshkor ïa nga; A katno nga kwah ba kin kohnguh ïa nga!

EKSODOS 8:20

U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

JEREMAÏAH 1:2

U Trai u la kren ha u Jeremaïah ha ka snem kaba khatlai ba u Josaïah u khun jong u Amon u long u syiem ka Judah,

JEREMAÏAH 11:7

Haba nga wallam ïa ki kpa tymmen jong ki na Ijipt, nga la maham kyntang ïa ki ban kohnguh ïa nga, bad nga la ïai maham ïa ki briew tad haduh kane ka sngi.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 25:4

Wat la U Trai u ïai phah sha phi ïa ki shakri jong u ki nongïathuhlypa, pynban phim shym la sngap ne patiaw ei ei.

JEREMAÏAH 26:5

bad da kaba pynshahshkor ïa ki kyntien jong ki nongïathuhlypa, ki shakri jong nga, kiba nga la ju ïai phah sha phi. Phim pat ju kohnguh ïa kaei kaba ki la ong.

JEREMAÏAH 29:19

Kane kan jia ha ki namar kim shym la kohnguh ïa ka khubor kaba nga ju ïai phah sha ki lyngba ki nongïathuhlypa, ki shakri jong nga. Ki la kyntait ban shahshkor.

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

JEREMAÏAH 35:14

Ki khun ki ksiew u Jonadab ki la kohnguh ïa ki hukum jong u ban ym dih waiñ, bad haduh kane hi ka sngi ym don uwei ruh na ki uba dih ïa kaba kumno kumno ruh ka waiñ. Hynrei nga la ïai kren ha phi, bad phim shym la kohnguh ïa nga.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 36:1

Ha ka snem kaba saw ba u Jehoïakim, u khun jong u Josaïah, u long u syiem ka Judah, U Trai u la ong ha nga,

JEREMAÏAH 36:2

“Shim ïa ka kot kli bad thoh ha ka ïa baroh kaba nga la ong ha me shaphang ka Israel bad ka Judah bad baroh ki jaitbynriew. Thoh lut ïa baroh kaba nga la ong ha me naduh ka por ba nga la kren nyngkong ha me, mynba u Josaïah u long syiem, haduh mynta.

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 7:13

Phi la leh ïa kine ki pop baroh, bad wat la nga la kren ïa phi bad ïai kren, phi la kyntait ban shahshkor. Phin ym jubab haba nga la khot ïa phi.

JEREMAÏAH 7:25

Naduh ka sngi ba ki kpa tymmen jong phi ki la mihnoh na Ijipt haduh kane hi ka sngi, nga la ïai phah ïa ki shakri jong nga, ki nongïathuhlypa, sha phi.

ESEKIEL 33:4

Lada uno uno uba ïohsngew ïa ka hynrei um suidñiew, bad u nongshun u wan bad pynïap ïa u, te un kit pop hi ïa la ka jong ka jingïap.

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

MARKOS 1:35

Dang step phyrngab ha ka sngi kaba bud, slem shuwa ban shai, U Jisu u la ïeng bad mihnoh na ka ïing. U la mihnoh na ka shnong sha ka jaka bakynjah, hangta u la duwai.

ÏOANNIS 8:2

Dang step phyrngab ha ka sngi kaba bud u la leit phai sha ka Templ. Baroh ki briew ki la ïalum sawdong jong u, bad u la shong bad u la sdang ban hikai ïa ki.

ÏOANNIS 8:47

Uta uba wan na U Blei u shahshkor ïa ki ktien U Blei. Phi, pynban, phim dei na U Blei, bad dei na kata ka daw balei ba phim shahshkor.”