JEREMAÏAH 25:18 - Khasi CL Bible (BSI)

¹⁸ Ïa ka Jerusalem bad ki shnong baroh jong ka Judah, lem bad ki syiem bad ki nongïalam jong ka, la pynlong ïa ki ban dih na ka, khnang ba kin kylla long ka ri shyiap, ka jaka kaba ishyrkhei bad pynkyndit ban peit; bad khnang ba ki briew kin pyndonkam ïa ki kyrteng jong ki kum ka jingtim — katba ki dang ïai leh.

KA BAIBL

¹⁸ ïa ka Jerusalem bad ïa ki nongbah Judah, bad ïa ki syiem jong ki, bad ïa ki rangbah jong ki, ïa ka ban pynlong ïa ki ka jingkynjah, ka jinglyngngoh, ka jingkynshi, bad ka jingtim; kumba ka long ha kane ka sngi:

JEREMAÏAH 25:18 ပူးပေါင်းရင်းမြစ်များ

1 SYIEM 8:24

Me la bat ïa la ka kular kaba me la pynlong ha u Dabid u kpa jong nga; mynta ha kane ka sngi kawei pa kawei ka ktien me la pyndep ïa ka.

2 SYIEM 22:19

bad kylla-kaba-mut bad pynrit ïa lade ha khmat jong nga, kad ïa ki jaiñ jong phi bad ïam, haba phi ïohsngew kumno nga byrngem ban pynshitom ïa ka Jerusalem bad ki briew jong ka. Ngan pynlong ïa ka kaba ishyrkhei ban peit, ka jaka ha kaba ïa ka kyrteng jong ka, ki briew kin pyndonkam kum ka jingtim. Hynrei nga la ïohsngew ïa ka jingduwai jong phi,

2 KHRONIKL 29:8

Namar kane, U Trai u la bitar ïa ka Judah bad ka Jerusalem, bad kaei kaba u la leh ïa ki ka la pynkyndit bad pyntieng ïa uwei pa uwei. Phi tip bha shaphang kane.

ESRA 9:7

Naduh ki sngi jong ki kpa tymmen jong ngi haduh mynta, ma ngi, ki briew jong me, ngi la leh pop palat. Namar ki pop jong ngi, ma ngi, ki syiem jong ngi, bad ki lyngdoh jong ngi, ngi la hap noh ha ki kti jong ki syiem nongwei, bad ïa ngi la pynïap, la lute bad la ïalam noh kum ki koidi. Ngi la long baroh kiba shah lehrain, kumba ngi long ruh mynta ka sngi.

NEHEMAÏAH 9:36

Bad mynta ngi long ki mraw ha ka ri ba me la ai ïa ngi, kane ka ri baseisoh kaba ai jingbam ïa ngi.

SALM 60:3

Me la pynlong ïa ki briew jong me ban shahshitom shibun eh; ngi ïaid sheng sheng kum kiba la buaid.

ISAÏAH 40:23

U pynhiar shapoh ïa ki nongsynshar badonbor um pynlong ei ei shuh ïa ki.

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 13:3

Nangta U Trai u la kren biang ha nga, bad u la ong,

JEREMAÏAH 13:9

“Kumne kan long kumno ba ngan pynjot ïa ka jingsarong jong ka Judah bad ïa ka jingsarong bakhraw jong ka Jerusalem.

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 26:6

Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

ESEKIEL 30:7

Ka ri kan long kaba shah ieh kynjah tam ha ka pyrthei, bad ïa ki nongbah jong ka yn ieh kumto ha ki jingjot.

DANIEL 9:12

Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

1 PETROS 4:17

Ka por ka la poi na ka bynta ka jingbishar ba kan sdang, bad ki briew jong U Blei hi kin long kiba nyngkong ban shah bishar. Lada ka sdang na ngi, kumno kan kut ha kito ki bym shym ngeit ïa ka Khubor Babha na U Blei?