JEREMAÏAH 25:14 - Khasi CL Bible (BSI)

¹⁴ Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

KA BAIBL

¹⁴ Naba bun ki jaid bynriew bad ki syiem ki bakhraw kin pynshakri ïa lade da ki, da kita keiñ: te ngan siew ïa ki katba kum ki jingleh jong ki, bad kat kum ka kam ki kti jong ki.”

JEREMAÏAH 25:14 ပူးပေါင်းရင်းမြစ်များ

SALM 137:8

Ko ka Babilon, yn sa pynjot ïa pha. Suk uta u briew uba siew kylliang ïa pha na ka bynta kaei kaba pha la leh ïa ngi —

ISAÏAH 13:4

Shahshkor ïa ka jingriew halor jong u lumbah — ka jingsawa jong u paidbah byllien, ka jingsawa jong ki jaitbynriew bad ka jingïalumlang jong ki hima. U Trai jong ki nongïapom u la pynkhreh ïa ki shipai jong u na ka bynta ka thma.

ISAÏAH 14:2

Bun ki jaitbynriew kin ïarap ïa ki paid Israel ban leit phai sha ka ri kaba U Trai u la ai ha ki, bad hangta ki jaitbynriew kin shakri ïa ki Israel kum ki mraw. Kito kiba shisien ki la kem ïa ki Israel mynta kin shah kem ha ki Israel, bad ki paid Israel kin synshar halor jong kito kiba shisien ki la banbeiñ ïa ki.

ISAÏAH 66:6

Ha sngap! kata ka jingsawa kaba jam ha ka nongbah! kata ka jingsawa ha ka Templ, ka long ka jingsawa U Trai uba pynshitom ïa ki nongshun jong u!

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

JEREMAÏAH 50:41

“Ki briew ki wan na ka ri bashatei, ka jaitbynriew bakhrawbor na jngai bah; shibun ki syiem ki pynkhreh ïa ka thma.

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

JEREMAÏAH 51:6

To phet noh na Babilonia! Phet ban lait im! Wat ai ba yn shah pynïap na ka bynta ka pop jong ka Babilonia. Nga mynta nga siew kylliang bad pynshitom ïa ka kumba ka dei hok.

DANIEL 5:28

Ki jingbynta, Ïa ka hima jong phi la pynbynta bad la ai ha ki Mid bad ki Persia.”

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.