JEREMAÏAH 25:12 - Khasi CL Bible (BSI)

¹² Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

KA BAIBL

¹² Te ynda la kut hynñiewphew snem, ngan pynshitom ïa u syiem ka Babilon, bad ïa kata ka jaid bynriew,” ong U Trai, “namar ka jingbymhok jong ki, bad ïa ka ri ki Khaldi; bad ngan pynlong ïa ka, kaba kynjah junom.

JEREMAÏAH 25:12 ပူးပေါင်းရင်းမြစ်များ

2 SYIEM 24:1

Mynba u Jehoïakim u long u syiem, u Nebukhadnessar u syiem Babilonia u la hiarthma ïa ka Judah, bad lai snem la pynbor ïa u Jehoïakim ban pyndem ha ka jingsynshar jong u; nangta u la ïeng ïaleh pyrshah.

2 KHRONIKL 36:22

Ha ka snem kaba nyngkong ba u Syros ka ri Persia u long u patsha. U Trai u pynlong ïa kaei kaba u la ong lyngba u nongïathuhlypa Jeremaïah ban urlong shisha. U pynsngew ha u Syros ban pynmih ïa ka hukum harum bad ban phah ha ka jingthoh ïa ka ban pule jam ha kylleng ka hima jong u:

SALM 137:8

Ko ka Babilon, yn sa pynjot ïa pha. Suk uta u briew uba siew kylliang ïa pha na ka bynta kaei kaba pha la leh ïa ngi —

ISAÏAH 13:19

Ka Babilonia ka dei ka hima kaba itynnat tam na baroh, ka dei ka jingsngew sarong jong ki briew jong ka. Hynrei ma nga, U Trai, ngan pynkhyllem ïa ka Babilon kumba nga la leh ïa ka Sodom bad ka Gomorrah!

ISAÏAH 14:23

Ngan pynkylla ïa ka Babilon sha ka ahor ktieh, bad ki dkhoh kin shong hangta. Ngan sar ïa ka Babilon da u synsar u ban sar lut khoit ïa kaei kaei baroh. Nga, U Trai Badonbor Baroh, nga la kren.”

ISAÏAH 15:6

Ka wahduid Nimrim ka rngad, u phlang harud jong ka u la ïapstai, bad ym don kano kano kaba jyrngam kaba dang sah.

ISAÏAH 20:1

Ha ki hukum jong u Sargon, u patsha jong ka Assyria, u rangbah ai hukum bahakhlieh tam jong ka kynhun shipai Assyria u la tur ïaleh ïa ka Ashdod ka nongbah Philistia.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 46:1

“Kane ka dei kaba kut jong ki blei ka Babilon! Ïa u Bel bad ïa u Nebo shisien la mane ïa ki, hynrei mynta la pynkit ïa ki halor ki kada, ka jingbankhia ïa ki met ki mrad ba la thait.

JEREMAÏAH 23:2

Kane ka long kaei ba U Trai, U Blei ki Israel, u ong shaphang ki nongsynshar kiba la tharai ba kin sumar ïa ki briew jong u: “Phim shym la sumar bha ïa ki briew jong nga; phi la pynsakma ïa ki bad phi la beh noh ïa ki. Mynta ngan pynshitom ïa phi namar ka jingbymman jong phi kaba phi la leh.

JEREMAÏAH 25:14

Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

JEREMAÏAH 27:22

Yn sa rah ïa ki sha Babilonia bad kin sah hangta tad haduh ba ngan da phai ka jingmut jong nga sha ki. Nangta ngan wallam pat ïa ki bad buh biang ïa ki ha kane ka jaka. Ma nga, U Trai, nga la kren.”

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 29:10

“U Trai u ong, ‘Haba ki hynñiewphew snem jong ka Babilonia ki la kut, ngan pyn-i ïa ka jingsngewkhia jong nga na ka bynta jong phi bad bat ïa ka kular jong nga ban wallam pat ïa phi sha ïing.

ESEKIEL 35:9

Ngan pynlong ïa me ka ri khlaw junom la junom, bad yn ym don uno uno u ban shong shuh ha ki nongbah jong me. Te men sa tip ba nga long U Trai.

DANIEL 9:2

Ha ka snem kaba nyngkong jong ka jingsynshar jong u, nga la pule bniah ïa ki kitab bakyntang bad pyrkhat shaphang ki hynñiewphew snem kiba ka Jerusalem kan don ha ki jingpra, kat kum kaei kaba U Trai u la lah ïathuh ha u Jeremaïah u nongïathuhlypa.

HABAKKUK 1:17

Hato kin pyndonkam ïa la ki waitlam junom bad ïai pynjot ïa ki jaitbynriew khlem jingisynei?