JEREMAÏAH 24:6 - Khasi CL Bible (BSI)

⁶ Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

KA BAIBL

⁶ Naba ngan peit ïa la ki khmat halor jong ki, ïa ka ban bha, bad ngan wallam pat ïa ki sha kane ka ri: bad ngan tei ïa ki, te ngan ym pynpra ïa ki; bad ngan thung ïa ki, te ngan ym rat noh ïa ki.

JEREMAÏAH 24:6 ပူးပေါင်းရင်းမြစ်များ

JENESIS 44:21

Nangta phi ong ïa ngi ban wan ïalam ïa u shane, khnang ba phin ïoh peit ïa u.

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

NEHEMAÏAH 5:19

Nga duwai ha me, A Blei, to kynmaw ban kyrkhu na ka bynta kaei kaei baroh ba nga la leh na ka bynta kane ka jaitbynriew.

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

SALM 44:2

Kumno ba ma me hi me la beh noh ïa kiba mane blei thala bad pynshong neh ïa ki briew jong me ha ka ri jong ki; kumno me la pynshitom ïa kiwei pat ki jaitbynriew bad pynlong ïa la ki jong ban roi kyrhai.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 12:15

Hynrei hadien ba nga la shim noh ïa ki, ngan don jingisynei halor jong ki; ngan wallam pat ïa kawei pa kawei ka jaitbynriew sha ka ri jong ka bad sha ka shnong jong ka.

JEREMAÏAH 16:15

Pynban, kin smai da nga kum U Blei uba im uba la wallam ïa ki paid Israel na ka ri bashatei bad na baroh kiwei pat ki ri ha kaba nga la pynsakma ïa ki. Ngan wallam pat ïa ki sha ka ri ka jong ki hi, sha ka ri kaba nga la ai ha ki kpa tymmen jong ki. Ma nga, U Trai, nga la kren.”

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 29:10

“U Trai u ong, ‘Haba ki hynñiewphew snem jong ka Babilonia ki la kut, ngan pyn-i ïa ka jingsngewkhia jong nga na ka bynta jong phi bad bat ïa ka kular jong nga ban wallam pat ïa phi sha ïing.

JEREMAÏAH 31:28

Bad kumba nga la ïaleh shitom ban rat noh, ban pyntwa, ban jop, ban pynjot bad ban pynpra ïa ki, kumta ruh ngan ïaleh shitom ban thung ïa ki bad ban tei pat ïa ki.

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

JEREMAÏAH 33:7

Ngan pynlong ïa ka Judah bad Israel kiba roi kyrhai, bad ngan pynlong pat ïa ki kumba mynshuwa.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

JEREMAÏAH 39:12

“Khie leit wad ïa u Jeremaïah bad sumar bha ïa u. Wat pynmynsaw ïa u, hynrei leh ïa kaei kaei baroh kaba u kwah.”

JEREMAÏAH 42:10

‘Lada phi mon ban ïaisah ha kane ka ri, te ngan kyntiew ïa phi bad ym ban pynjot ïa phi; ngan pynskhem ïa phi bad ym ban rat ïa phi. Ka jingpynjot kaba nga la wanrah ha phi ka la pynlong ka jingsngewsih bakhraw ïa nga.

ESEKIEL 36:24

Ngan shim noh ïa phi na man la ka jaitbynriew bad ka ri bad ngan wallam pat ïa phi sha la ka ri.

AMOS 9:14

Ngan wan ïalam pat ïa ki briew jong nga sha la ka ri. Kin sa tei pat ïa ki shnong ba la jot bad kin shong hangta; kin thung ki bri sohwaiñ bad kin dih ïa ka waiñ; kin thung jingthung ha ki kper, bad kin bam na kaei kaba mih.

DEUTERONOMI 11:12

U Trai U Blei jong phi u khmih sumar ïa kane ka ri bad u ap sumar ïa ka baroh shisnem.

1 PETROS 3:12

Naba U Trai u khmih halor kiba hok bad u shahshkor ïa ki jingduwai jong ki; hynrei u pyrshah ïa kito kiba leh ïa kaba sniew.”