JEREMAÏAH 24:5 - Khasi CL Bible (BSI)

⁵ “Ma nga, U Trai, U Blei ki Israel, nga pyrkhat ba ki briew kiba la ringmraw sha Babilonia ki long kum kine ki soh Dumbur kiba bha, ngan lehbha ïa ki da ka jingsbun.

KA BAIBL

⁵ “Kumne u ong U Trai, U Blei ki Israel; ‘Kum kine ki soh Dumbur ki babha, kumta ngan ñiew ïa ki mraw Judah, kiba nga la phah noh na kane ka jaka sha ka ri ki Khaldi, ïa ka ban bha.

JEREMAÏAH 24:5 ပူးပေါင်းရင်းမြစ်များ

SALM 119:67

Ha shuwa ba men pynshitom ïa nga, nga la ju ïaid sakma; hynrei mynta nga kohnguh ïa ka ktien jong me.

SALM 119:71

Ka jingpynshitom jong nga ka la long kaba bha ïa nga, namar ka pynlong ïa nga ban nang ïa ki hukum jong me.

JEREMAÏAH 24:4

Kumta U Trai u la ong ha nga;

JEREMAÏAH 29:11

Tang ma nga hi nga tip ïa ki jingthmu kiba nga don na ka bynta jong phi, ki jingthmu ban wallam ha phi ka jingmanbha bad ym ka jingpynjot, ki jingthmu ban wallam ïa ka lawei kaba phi ap kyrmen.

JEREMAÏAH 29:20

Ma phi baroh kiba nga la phah sha ka jinglongmraw ha Babilonia, to shahshkor ïa kaei kaba ma nga, U Trai, nga ong.’

JEREMAÏAH 29:4

“U Trai Badonbor Baroh, U Blei ki Israel, u ong ha kito ki briew baroh kiba u la shah ïa u Nebukhadnessar ban rah noh kum ki koidi na Jerusalem sha Babilonia:

ESEKIEL 11:17

“Kumta to ïathuh ha ki ïa kaei kaba ma nga, U Trai Nongsynshar, nga ong. Ngan lumlang ïa ki na ki ri sha kiba nga la pynsakma ïa ki, bad ngan ai pat ïa ka ri Israel ha ki.

ESEKIEL 11:20

Te kin sumar ïa ki aiñ jong nga bad kin kohnguh hok ïa ki hukum jong nga. Kin long ki briew jong nga bad ngan long U Blei jong ki.

LEBITIKOS 26:44

Hynrei la katta ruh, katba ki dang don ha ka ri ki nongshun jong ki, ngan ym iehnoh syndon lane pynjot ïa ki. Da kumta ngan ym pyndkut noh ïa ka jutang jong nga bad ki, naba nga long U Trai U Blei jong ki.

NAHUM 1:7

U Trai u long uba bha; u ïada ïa ki briew jong u ha ki por ka jingjynjar; u ri sumar ïa kito kiba phai sha u.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MATHAÏOS 25:12

‘Da lei lei ruh em! ngam ithuh ïa phi,’ u nongleitkurim u la jubab.”

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

1 KORINTH 8:3

Hynrei ïa u briew uba ieit ïa U Blei la ithuh da u.

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.