JEREMAÏAH 24:10 - Khasi CL Bible (BSI)

¹⁰ Ngan wanlam ïa ka thma, ïa ka 'nemsniew, bad ïa ka jingïapthngan halor jong ki haduh ba yn ym don shuh wat uwei ruh na ki u ban lait ha kata ka ri ba nga la ai ha ki bad ha ki kpa tymmen jong ki.”

KA BAIBL

¹⁰ Bad ngan phah ïa ka waitlam, ïa ka 'nemsniew, bad ïa ka jingïapkhlam, hapdeng jong ki, tad ynda la pynduh noh ïa ki na ka ri kaba nga la ai ha ki bad ha ki kpa jong ki.”

JEREMAÏAH 24:10 ပူးပေါင်းရင်းမြစ်များ

1 SYIEM 14:15

U Trai un pynshitom ïa ki Israel, bad kan khynñiuh kumba pynkhih ïa u khah ha ka wahduid. Un rat dyngkhong ïa ki paid Israel na kane ka ri kaba bha kaba u la ai ha ki kpa tymmen jong ki, bad un pynsakma ïa ki sha lyndet ka wah Ïuphratis, namar ba ki la pynbitar lep ïa u da kaba thaw ïa ki bleithaw jong ka blei Asherah.

ISAÏAH 51:19

Ka jingjot kaba ar shah ka la hap halor jong pha: ïa ka jaka jong pha la pynjot ha ka thma, bad ki briew jong pha ki la ïapthngan. Ym don uno uno uba pyn-i jingsngewlem ïa pha.

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 15:2

Haba ki kylli ïa me shano ki dei ban leit, ïathuh ïa ki ba nga la lah ong: “Ïa ki katto katne ngut la tim ban ïap da ka jingpang — kata ka dei sha kaba kin leit! Ïa kiwei pat la tim ban ïap ha ka thma — kata ka dei sha kaba kin leit! Ïa ki katto katne ngut la tim ban ïap na ka jingïapthngan — kata ka dei sha kaba kin leit! Ïa kiwei pat la tim ban shah ring noh kum ki koidi — kata ka dei sha kaba kin leit!

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 19:7

Ha kane ka jaka ngan pynpulom ïa baroh ki jingthmu jong ki briew ka Judah bad ka Jerusalem. Ngan shah ïa ki nongshun jong ki ban risa halor jong ki bad pynïap ïa ki ha ka thma. Ngan ai ïa ki metïap jong ki ha ki sim bad ha ki mradkhlaw kum ka jingbam.

JEREMAÏAH 21:9

Uno uno uba sah ha ka nongbah un shah pynïap ha ka thma, ne da ka 'nemsniew, ne da ka jingïapthngan. Hynrei uno uno uba mih shabar bad uba pyndem ha ki Babilonia, kiba dang tur ïaleh mynta ïa ka nongbah, un ym shah pynïap; la kumno kumno un pyllait ïa la ka jingim.

JEREMAÏAH 27:8

“Hynrei lada kano kano ka jaitbynriew lane ka hima kam pyndem ha ka jingsynshar jong u, te ngan pynshitom ïa kata ka jaitbynriew da ka thma, ka jingïapthngan bad da ka jingpang tad haduh ba ngan da shah ïa u Nebukhadnessar ban pynjot khoit ïa ka.

JEREMAÏAH 29:17

U Trai Badonbor Baroh u ong, ‘Nga wallam ka thma, ka jingïapthngan, bad ka jingpang ha ki, bad ngan pynlong ïa ki kum ki soh Dumbur kiba la pyut eh ïa ka ban bam.

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 32:25

Pynban, ko Trai Nongsynshar, me long ma me uba la hukum ïa nga ban thied ïa ka lyngkha ha ka jingdon lang ki sakhi, wat la ka nongbah ka la jan shah kurup ha ki nong Babilonia.”

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

JEREMAÏAH 42:17

Ki briew baroh kiba kut jingmut ban leit bad sah ha Ijipt kin ïap na ka thma ne na ka jingïapthngan ne na ka jingpang. Yn ym don uwei ruh na ki u ban lait im, yn ym don ban lait phet na ka jingjot ïa kaba ngan wallam ha ki.’

JEREMAÏAH 42:22

Te nangta, to kynmaw ïa kane: phin ïap ha ka thma ne na ka jingïapthngan ne ka jingpang ha ka ri sha kaba phi kwah ban leit bad ban shong.”

JEREMAÏAH 5:12

Ki briew jong U Trai ki la len ïa u bad ki la ong, “Un ym leh ei ei da shisha. Ngin ym mad ïa ki por ba-eh; ngin ym mad ïa ka thma lane ka 'nemsniew.”

JEREMAÏAH 9:15

Kumta te, to shahshkor ïa kaei kaba ma nga, U Trai Badonbor Baroh, U Blei ki Israel, ngan leh: Ngan ai ki jhur kthang ha ki briew jong nga ban bam bad ka bih ban dih.

JEREMAÏAH 9:16

Ngan pynsakma ïa ki hapdeng ki jaitbynriew kiba ma ki lymne ki kpa tymmen jong ki, ki la ïohsngew, bad ngan phah ki kynhun shipai pyrshah ïa ki tad haduh ba ngan da pynjot khoit ïa ki.”

ESEKIEL 33:27

“Ïathuh ha ki ba ma nga, U Trai Nongsynshar, nga maham ïa ki ba da shisha nga long U Blei uba im, ki briew kiba shong basah ha ki nongbah ba la pynjot kin shah pynïap. Kito kiba shong ha ka ri kin shah bam da ki mradkhlaw. Kito kiba rieh ha ki lumbah bad ki krem kin ïap da ka jingpang.

ESEKIEL 6:11

U Trai Nongsynshar u la ong, “Khyrwait ïa la ki kti! kyrdem ïa la ki kjat! kyang da ka jingsngewsih namar ki jingsniew baroh, kiei kiei kiba ijli kiba ki Israel ki la leh. Kin ïap ha ka thma, da ka 'nemsniew bad da ka jingpang.

ESEKIEL 7:15

Ka don ka jingïashoh ha ki lynti ïaid, bad ka jingpang bad ka jingthngan hapoh ki ïing. Uno uno uba don ha rudnong u ïap ha ka jingïaleh, uno uno uba don ha nongbah u ïap da ka jingpang ne jingthngan.

DEUTERONOMI 28:21

Un phah ha phi ïa ka jingpang kawei hadien kawei haduh ba yn ym don shuh uwei ruh na phi u ban lait im ha kata ka ri kaba phin sa ïohkynti.

JINGPYNPAW 6:8

Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.