JEREMAÏAH 23:9 - Khasi CL Bible (BSI)

⁹ Ka dohnud jong nga ka la lwet, bad nga la khynñiuh. Namar jong U Trai, namar ki ktien kiba khuid jong u, ba nga la long kum u briew uba buaid u briew uba la dih bun eh ka waiñ.

KA BAIBL

⁹ Shaphang ki nongïathuhlypa: Ka dohnud jong nga hapoh jong nga ka la lwet jin, baroh ki shyieng jong nga ki khih; nga long kum uba buaid, bad kum uba la shah jop da ka Waiñ; namar U Trai, bad namar ki ktien ki bakhuid jong u.

JEREMAÏAH 23:9 ပူးပေါင်းရင်းမြစ်များ

SALM 60:3

Me la pynlong ïa ki briew jong me ban shahshitom shibun eh; ngi ïaid sheng sheng kum kiba la buaid.

SALM 69:20

Ki jingrkhiebeiñ ki la pynpait ïa ka dohnud jong nga, bad nga don ha ka jingduh jingkyrmen. Nga la kyrmen ïa ka jingisynei, hynrei ym don ei ei; ïa ka jingpyntngen, hynrei ngam shem ei ei.

ISAÏAH 28:1

Ka hima Israel ka la kut! Ka burom jong ka, ka la jah kum ki pansngiat syntiew ha ki khlieh jong ki nongïalam buaid. Ïa ki khlieh basarong jong ki la pyniwbih bha, hynrei hangta ki ïathiah, ki buaid bhor.

ISAÏAH 29:9

To long uba mutlop! To long uba matlah! To long uba buaid khlem kano kano ka waiñ! To ïaid sheng sheng khlem dih wat tang shi jaw!

ISAÏAH 51:21

Phi ki briew kiba jynjar jong ka Jerusalem, phi kiba ïaid sheng sheng kumba phi la buaid,

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

JEREMAÏAH 36:16

Hadien ba u la lah pule ïa ka, ki la ïaphai uwei sha uwei pat ha ka jingsngew sheptieng, bad ki la ong ha u Barukh, “Ngi dei ban ïathuh ïa kane ha u syiem.”

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 8:18

Ïa ka jingsngewsih jong nga ym lah ban pynkhiah; nga pang ha ka dohnud.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

SNGEWSYNEI 3:15

Ka jingshah shitom bakthang ka long baroh kaba u la ai ïa nga kum ka jingbam bad jingdih.

ESEKIEL 13:3

Kane ka dei kaei kaba U Trai Nongsynshar u ong: “Kine ki nongïathuhlypa ba-bieit ki long kiba la tim! Ki ai jaka ïa la ki jong ki jingpyrsad mynsiem bad ki thaw ïa la ki jong ki jingïohipaw.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

ESEKIEL 9:6

Pynïap ïa ki tymmen, ki samla shynrang, ki samla kynthei, ki longkmie bad ki khynnah rit. Hynrei wat ktah kti ïa uno uno uba don ka dak ha ka shyllangmat jong u. Sdang nangne na ka Templ jong nga.” Kumta ki la sdang na ki nongïalam kiba ïeng hangta ha ka Templ.

DANIEL 8:27

Nga la noh mynsiem bad shitom bun bun sngi. Hadien kata nga la khie bad leit pat sha ka kam kaba u syiem u la ai ha nga, hynrei nga la shaïong da ka jingïohipaw bad ngam lah ban shemphang ïa ka.

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

Ka Shithi U Paul Sha Ki Nong Rom 7:9

Ma nga, shisien nga la im khlem ka hukum; hynrei haba ka hukum ka la wan, ka pop ka khie im, bad nga la ïap.