JEREMAÏAH 23:8 - Khasi CL Bible (BSI)

⁸ Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

KA BAIBL

⁸ hynrei, ‘Katba im U Trai, uba la wallam noh bad uba la ïalam ïa u symbai ka ïing Israel na ka ri shatei, bad na ki ri baroh sha kiba nga la beh noh ïa ki;’ bad kin ïoh shong ha la ka jong ka ri.”

JEREMAÏAH 23:8 ပူးပေါင်းရင်းမြစ်များ

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

JEREMAÏAH 16:14

U Trai u ong, “Ka por ka wan haba ki briew kin ym smai shuh da nga kum U Blei uba im uba la wallam ïa ki paid Israel na ka ri Ijipt.

JEREMAÏAH 16:15

Pynban, kin smai da nga kum U Blei uba im uba la wallam ïa ki paid Israel na ka ri bashatei bad na baroh kiwei pat ki ri ha kaba nga la pynsakma ïa ki. Ngan wallam pat ïa ki sha ka ri ka jong ki hi, sha ka ri kaba nga la ai ha ki kpa tymmen jong ki. Ma nga, U Trai, nga la kren.”

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 30:3

namar ka por ka wan haba ngan pynneh pat ïa ki briew jong nga, ki Israel bad Judah. Ngan wallam pat ïa ki sha ka ri kaba nga la ai ha ki kpa tymmen jong ki, bad kin shim kynti biang ïa ka. Ma nga, U Trai, nga la kren.”

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

JEREMAÏAH 8:3

Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

ESEKIEL 28:25

U Trai Nongsynshar u la ong, “Ngan wallam pat ïa ki paid Israel na ki jaitbynriew kiba nga la pynsakma ïa ki, bad ki jaitbynriew baroh kin tip ba nga long uba khuid. Ki paid Israel kin im ha la ka ri, ka ri kaba nga la ai ha u shakri jong nga u Jakob.

ESEKIEL 34:13

Ngan wallam noh ïa ki na ki ri nongwei, ngan lumlang ïa ki, bad ngan wallam biang ïa ki sha ka ri jong ki hi, ngan ïalam biang ïa ki sha ki lumbah bad ki wahduid ka Israel bad ngan bsa ïa ki ha ki jaka bam phlang kiba sngewtynnat.

ESEKIEL 36:24

Ngan shim noh ïa phi na man la ka jaitbynriew bad ka ri bad ngan wallam pat ïa phi sha la ka ri.

ESEKIEL 36:35

Baroh kin ong kumno kane ka ri, kaba shisien ka la long ka jaka khlaw, ka la kylla long kum ka Kper Eden, bad kumno ba ki nongbah kiba la shah pynjot, shah lute bad shah iehnoh ha ki jingjot, ki long mynta ki jaka shong briew bad ki jaka ba la ker kynroh.

ESEKIEL 37:25

Kin shong ha ka ri ba nga la ai ha u shakri jong nga u Jakob, ka ri ha kaba ki kpa tymmen jong ki, ki shong ki sah. Kin shong junom hangta, bad kumta ruh ki khun jong ki bad baroh kiba hiarpateng na ki. U syiem uba kum u shakri jong nga, u Dabid un synshar halor jong ki junom.

ESEKIEL 39:28

Te ki briew jong nga kin tip ba nga long U Trai U Blei jong ki. Kin sa tip ïa kane, namar nga la phah ïa ki sha ka jinglongmraw bad mynta nga lumlang ïa ki bad wallam pat ïa ki sha ka ri jong ki hi, khlem da iehnoh wat uwei na ki shadien.

JOEL 3:7

Mynta ngan wallam pat ïa ki na ki jaka na kiba ki la shah die. Ngan leh ïa phi ïa kaei kaba phi la leh ïa ki.

MIKAH 7:15

To leh ïa ki kambah na ka bynta jong nga, A Trai, kumba me la leh ha ki sngi mynba me la wallam ïa ngi na ka ri Ijipt.

SEPHANAÏAH 3:20

Ka por ka poi! Ngan wallam sha ïing ïa ki briew jong pha kiba la shah pynsakma; ngan pynlong ïa pha kaba pawnam ha kylleng ka pyrthei bad ngan pynlong ïa pha kaba manbha pat.” U Trai u la kren.