JEREMAÏAH 23:39 - Khasi CL Bible (BSI)

³⁹ te ïathuh ïa ki ba da shisha ngan shim trait ïa ki, bad ngan bret noh ïa ki sha jngai na nga, ïa ki bad ïa ka nongbah kaba nga la ai ha ki bad ha ki kpa tymmen jong ki.

KA BAIBL

³⁹ Namar kata, ha khmih, ngan klet noh khoit ïa phi, bad ngan kynther noh na khmat jong nga ïa phi, bad ïa ka nongbah kaba nga la ai ïa phi, bad ïa ki kpa jong phi:

JEREMAÏAH 23:39 ပူးပေါင်းရင်းမြစ်များ

JENESIS 4:16

Bad u Kain u leit noh na ka jingdon ryngkat U Trai bad u la shong la sah ha ka ri ba la kyrteng “Ka Nod” kaba don shaphang mihngi na ka Kper Eden.

JENESIS 6:17

Ngan sa pynshlei ïa ka pyrthei da ka um ban pynduh noh khoit ïa ki kynja ba-im baroh. Baroh kat kiba don ha ka pyrthei kin ïap.

2 SYIEM 23:27

U Trai u ong, “Ngan leh ïa ka Judah kumjuh kumba nga la leh ïa ka Israel: Ngan pynjah ïa ki briew ka Judah na khmat jong nga, bad ngan kyntait ïa ka Jerusalem, ka nongbah kaba nga la jied, bad ka Templ, ka jaka kaba nga la ong ha kaba yn mane ïa nga.”

SALM 51:11

Wat pynjah noh ïa nga na ka jingdon ryngkat jong me; wat shim noh ïa U Mynsiem Bakhuid jong me na nga.

PROBERB 13:13

Lada phi kyntait ïa ka jingai jingmut kaba bha, phi pan ïa ka jingjynjar; bud ïa ka bad phin lait im.

ISAÏAH 48:15

Dei ma nga uba la kren bad ba la khot ïa u; nga la ïalam ïa u shabar bad la ai ha u ïa ka jingjop.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

JEREMAÏAH 23:33

U Trai u la ong ïa nga, “Ko Jeremaïah, haba uwei na ki briew jong nga ne u nongïathuhlypa ne u lyngdoh u kylli ïa me, ‘Kaei ka khubor jong U Trai?’ Men ïathuh ha u, ‘Me long ka jingkit ïa U Trai, bad un sa kynther noh ïa me.’

JEREMAÏAH 23:38

Bad lada kim kohnguh ïa ka hukum jong nga bad pyndonkam ïa ki ktien, ‘Ka jingkit U Trai,’

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 36:31

Ngan pynshitom ïa me, ïa ki khun ki ksiew jong me, bad ïa ki rangbah synshar jong me namar ki pop kiba ma phi baroh phi la leh. Ma me lymne ki briew ka Jerusalem bad Judah ki la sngap ïa ki jingmaham jong nga, bad kumta ngan wallam halor baroh ïa ka jingpynjot ïa kaba nga la dep kren pyrshah.”

JEREMAÏAH 52:3

U Trai u la bitar haduh katta katta ïa ki briew jong ka Jerusalem bad ka Judah kat haduh ba u beh noh ïa ki na khmat jong u. U Sedekaïah u ïaleh pyrshah ïa u Nebukhadnessar, u syiem ka Babilonia,

JEREMAÏAH 7:14

Bad kumta, kaei kaba nga la leh ïa ka Shiloh ngan leh ruh ïa kane ka Templ jong nga, ha kaba phi shaniah. Hangne ha kane ka jaka kaba nga la ai ha ki kpa tymmen jong phi bad ha phi, ngan leh ïa kata kajuh kaba nga la leh ïa ka Shiloh.

JEREMAÏAH 7:15

Ngan beh noh ïa phi na ka jingïohi jong nga kumba nga la leh ïa ki ba-ha-ïing ha-sem jong phi, ki paid Israel. Ma nga, U Trai, nga la kren.”

SNGEWSYNEI 5:20

Balei ba me la iehnoh ïa ngi slem katta katta? Hato men dang kynmaw biang ïa ngi?

ESEKIEL 34:11

“Ma nga U Trai Nongsynshar, nga ïathuh ha phi ba nga hi da lade ngan wad ïa ki langbrot jong nga bad sumar ïa ki.

ESEKIEL 34:20

“Kumta mynta, ma nga, U Trai Nongsynshar, nga ïathuh ha phi ba ngan bishar hapdeng jong phi ïa ki langbrot kiba khlaiñ bad ki langbrot kiba tlot.

ESEKIEL 5:8

Bad kumta ma nga, U Trai Nongsynshar, nga la ïathuh ïa pha ba nga long u nongshun jong pha, nga ai ka jingbishar ïa pha ha kaba baroh ki jaitbynriew kin ïohi ïa kata.

ESEKIEL 6:3

Ïathuh ïa ki lum ka Israel ban sngap ïa ka ktien jong U Trai — ban sngap ïa kaei kaba ma nga, U Trai Nongsynshar, nga ong ïa ki lumbah, ki lumrit, ki khap maw bad ki them: Ngan phah ïa ka waitlam ban pynjot ïa ki jaka ha kiba ki briew ki mane bleithaw.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

ESEKIEL 9:6

Pynïap ïa ki tymmen, ki samla shynrang, ki samla kynthei, ki longkmie bad ki khynnah rit. Hynrei wat ktah kti ïa uno uno uba don ka dak ha ka shyllangmat jong u. Sdang nangne na ka Templ jong nga.” Kumta ki la sdang na ki nongïalam kiba ïeng hangta ha ka Templ.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

2 THESSALONI 1:9

Kin shah ïa ka jingpynshitom jong ka jingpynjot bymjukut, kiba la pynïakhlad na ka jingdon ryngkat ka jong U Trai bad na ka jingkhlaiñbor badonburom jong u,