JEREMAÏAH 23:31 - Khasi CL Bible (BSI)

³¹ Nga pyrshah ruh ïa ki nongïathuhlypa kiba kren ïa la ki jong ki ktien bad kiba kam ba ki wan na nga.

KA BAIBL

³¹ Ha khmih, nga long pyrshah ïa kita ki nongïathuhlypa,” ong U Trai, “kiba pyndonkam ïa la ki thylliej, bad ki ong, ‘U ong ma U.’

JEREMAÏAH 23:31 ပူးပေါင်းရင်းမြစ်များ

1 SYIEM 22:11

Uwei na ki, u Sedekaïah u khun jong u Khenaanah, u shna ïa ki reng nar bad u ong ha u Ahab, “Kane ka long kaei kaba U Trai u ong: ‘Da kine phin ïaleh ïa ki nong Syria bad phin jop thiaw ïa ki.’ ”

2 KHRONIKL 18:5

Kumta u Ahab u khot shapoh ïa ki nongïathuhlypa, kumba sawspah na ki, bad u kylli ïa ki, “Hato ngan leit bad tur ïaleh ïa ka Ramoth, ne em?” “Tur ïaleh ïa ka,” ki jubab. “U Blei un ai jingjop ïa phi.”

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

JEREMAÏAH 23:30

Nga pyrshah ïa kito ki nongïathuhlypa kiba shim ktien uwei na uwei bad pynbna ïa ki kum ka khubor jong nga.

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 28:15

Nangta nga la ong ïa kane ha u Hananaïah, bad nga la bynrap, “To shahshkor, ko Hananaïah! U Trai um shym la phah ïa me, bad la pynlong ïa kine ki briew ban ngeit ïa ka lamler.

JEREMAÏAH 28:17

Bad u Hananaïah u la ïap ha u bnai bahynñiew jong kata kajuh ka snem.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

DEUTERONOMI 18:20

Hynrei lada uno uno u nongïathuhlypa u nud ban kren ha ka kyrteng jong nga ïa ka khubor kaba ngam shym la hukum ïa u, u dei ban ïap namar kata; bad uno uno u nongïathuhlypa uba kren ha ka kyrteng jong kiwei pat ki blei u ruh u dei ban ïap.’