JEREMAÏAH 23:25 - Khasi CL Bible (BSI)

²⁵ Nga tip aïu kito ki nongïathuhlypa ki la ong, ki da kren lamler ha ka kyrteng jong nga bad kam ba nga la ai ha ki ïa ki khubor jong nga ha ki jingphohsniew jong ki.

KA BAIBL

²⁵ “Nga ïohsngew ïa kaba la ong ki nongïathuhlypa, kiba ïathuhlypa ïa ki jinglamler ha ka kyrteng jong nga, ki ïa-ong, ‘Nga la phohsniew, nga la phohsniew.’

JEREMAÏAH 23:25 ပူးပေါင်းရင်းမြစ်များ

JENESIS 37:5

Shisien u Joseph u la phohsniew, bad haba u la ïathuh ïa ka ha la ki hynmen shynrang, ki la kham isih shuh shuh ïa u.

JENESIS 37:9

Nangta u Joseph u phohsniew sa kawei pat ka jingphohsniew, bad u la ïathuh ha la ki hynmen shynrang. “Nga la phohsniew sa kawei pat ka jingphohsniew, ha kaba nga la ïohi ïa ka sngi, u bnai, bad ïa ki khlur khatwei tylli ba ki ïanguh ïa nga.”

SALM 139:2

Me tip ïa kiei kiei baroh kiba nga leh; na jngai bah me sngewthuh ïa ki jingmut jong nga baroh.

SALM 139:4

Wat ha shuwa ba ngan kren, me la tip lypa kaei ba ngan ong.

JEREMAÏAH 13:27

U la ïohi ba pha leh ïa kiei kiei kiba u isih. U la ïohi ba pha bud ïa ki blei thala halor ki lum bad ki lyngkha, kum u briew uba threw jakhlia ïa ka tnga u paramarjan jong u lane kum u kulai ïa ka kulai. Ko ki briew jong ka Jerusalem, phi long kiba la tim! Lano phin ïoh long kiba khuid?

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 23:28

U nongïathuhlypa uba ïoh ka jingphohsniew u dei ban ong ïa ka ba ka long tang ka jingphohsniew, hynrei u nongïathuhlypa uba la ïohsngew ïa ka khubor jong nga u dei ban pynbna hok ïa kata ka khubor. Kaei ka jingbha u jyntang ban ïanujor bad u kew?

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 27:10

Ki da shukor ïa phi bad kin pynlong ïa phi ban shah rah sha jngai na ka ri jong phi. Ngan beh noh shabar ïa phi, bad ïa phi yn pynjot noh.

JEREMAÏAH 27:15

U Trai hi u la ong ba um shym phah ïa ki bad ba ki lamler ïa phi ha ka kyrteng jong u. Bad kumta un beh noh ïa phi, bad ïa phi yn pynïap, ïa phi bad ki nongïathuhlypa kiba ïathuh ïa phi ïa kine ki jinglamler.”

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 22:28

Ki nongïathuhlypa ki la buhrieh ïa la ki pop kum kito kiba tap ïa ka kynroh da ka pushara lieh. Ki ïohi ïa ki jingïohipaw ba bakla bad ki pynmih la ki jong jingïathuhlypa ba bakla. Ki kam ba ki kren ïa ka ktien jong U Trai Nongsynshar, hynrei ma nga, U Trai, ngam shym la kren ha ki.

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

SEKHARAÏAH 13:3

Te lada uno uno u ïaiban ban ïathuhlypa, u kpa bad ka kmie jong u hi kin ong ïa u ba u dei ban shah pynïap, namar u la kam ba u kren ïa ka ktien jong U Trai, hynrei u kren pynban ïa ki jinglamler. Haba u ïathuhlypa, u kpa bad ka kmie jong u kin dung pynïap ïa u.

JINGKHEIÑ 12:6

bad U Trai u ong, “Mynta sngap aïu ngan ong! Haba don ki nongïathuhlypa hapdeng jong phi, nga pynpaw ïa lade ha ki ha ka jingïohipaw bad nga kren ha ki ha ki jingphohsniew.

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

LOUKAS 12:3

Kumta te, ïa kaei kaei kaba phi la ong ha kaba dum yn ïohsngew ha kaba shai ka sngi, bad ïa kaei kaei kaba phi la pasiaw ha kaba jar jar ha ka kamra ba la khang, yn pyrta na ki tnum ïing.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.