JEREMAÏAH 23:24 - Khasi CL Bible (BSI)

²⁴ Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

KA BAIBL

²⁴ U lah uno uno ban buhrieh ïa lade ha ki jaka barieh ba ngan ym ïohi ïa u?” ong U Trai. “Nga ngam dap ïa ka bneng bad ïa ka khyndew,” ong U Trai.

JEREMAÏAH 23:24 ပူးပေါင်းရင်းမြစ်များ

JENESIS 16:13

Ka Hagar ka kylli ïa lade, “Hato nga da ïohi shisha ïa U Blei bad ba nga dang im ban ïathuh ïa kata?” Kumta ka la khot ïa ka kyrteng U Trai uba la kren ha ka, “U Blei uba ïohi.”

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

2 KHRONIKL 2:6

Pynban ym don uno uno uba lah shisha ban tei ka Templ na ka bynta U Blei, namar wat ka jingïar jong ka bneng kam lah ban ngiam ïa u. Kumno te nga lah ban tei ka Templ ka ban long kaba kumno kumno kaba kham heh ban ïa ka jaka ban thang jingiwbih ïa U Blei?

2 KHRONIKL 6:18

“Hynrei A Blei me lah ban shong shisha ha ka pyrthei hapdeng ki rangbah bad ki kynthei? Wat ka bneng baroh kawei kam lah ban ngiam ïa me, kumno keiñ kane ka Templ kaba nga la tei kan biang?

Ka Kitab U Job 34:21

U peit-thuh ïa ki sien jam ba ki briew ki jam.

Ka Kitab U Job 34:22

Ym don jingdum ka ban dum tliw palat ban buhrieh ïa u nongpop na U Blei.

SALM 10:11

U riewbymman u ong ha lade, “U Blei um sngew ei ei! u la khapbrip ïa la ki khmat bad un ym ïohi ïa nga da lei lei!”

SALM 139:7

Shano keiñ ngan leit ban lait phet na me? Shano keiñ ngan phet rieh na khmat jong me?

SALM 139:8

Lada nga leit kiew sha bneng, me men don hangta; lada nga siang thiah ha ka pyrthei kiba ïap, me men don hangta.

SALM 148:13

Ai ba ma ki baroh kin ïaroh ïa ka kyrteng jong U Trai! Ka kyrteng jong u ka kham khraw ban ïa baroh kiwei pat; ka burom jong u ka long halor ka pyrthei bad ka bneng.

SALM 90:8

Me la buh ïa ki pop jong ngi ha khmat jong me, ïa ki pop barieh jong ngi ha kaba ïohi ka khmat jong me.

PROBERB 15:3

U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

ISAÏAH 29:15

Kito kiba pyrshang ban buhrieh ïa ki jingthmu jong ki na U Trai, kin jot noh! Ki pynïaid ïa ki rukom treikam jong ki ha kaba rieh bad ki pyrkhat ba yn ym don ba ïohi ïa ki lane tip ïa kaei kaba ki leh.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

JEREMAÏAH 49:10

Hynrei nga la sloit lut ïa ki khun ki ksiew u Iso bad pynpaw ïa ki jakarieh jong ki, te ba kin ym lah buhrieh shuh. Ïa baroh ki briew ka Edom la pynjot. Khlem pynsah shuh ïa uwei ruh.

ESEKIEL 8:12

U Blei u la kylli ïa nga, “Ko khun u briew, me ïohi aïu ki rangbah Israel ki ïaleh ha kaba rieh? Baroh ki ïamane ha ka kamra kaba dap da ki dur bleithaw. Ka jingpynksan jong ki ka long: ‘U Trai um ïohi ïa ngi! U la iehnoh ïa ka ri.’ ”

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.

DANIEL 2:22

U pynpaw ïa kiei kiei kiba jylliew bad kiba rieh; u tip kaei kaba la buhrieh ha ka jingdum, bad ïa u hi la ker sawdong da ka jingshai.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

EPHESOS 1:23

Ka Balang ka long ka met U Khrist, kaba pyndap pura ïa u, uba da lade hi u pyndap pura ïa kiei kiei baroh ha kylleng ki jaka.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.