JEREMAÏAH 23:22 - Khasi CL Bible (BSI)

²² Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

KA BAIBL

²² Hynrei, lada ki la ïeng ha ka jingsylla jong nga, kumta kin da la pynsngew ïa ki briew jong nga ïa ki ktien jong nga, bad kin da la pynphai ïa ki na ka lynti basniew jong ki, bad na ka jingsniew ki jingleh jong ki.

JEREMAÏAH 23:22 ပူးပေါင်းရင်းမြစ်များ

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 23:18

Nga la ong, “Ym don na kine ki Nongïathuhlypa uba tip ïa ki jingpyrkhat barieh jong U Trai. Ym don na ki uba la ju ïohsngew ne sngewthuh ïa ka khubor jong U ne uba la ju shahshkor ne pynleit jingmut ïa kaei kaba U ong.

JEREMAÏAH 25:5

Ki la ïa-ong ïa phi ban phai noh na ka lynti ka jingim bymman jong phi bad na kiei kiei kiba sniew ba phi leh, khnang ba phi lah ban leit ban ïoh shong ha kata ka ri ba U Trai u la ai ha phi bad ha ki kpa tymmen jong phi kum ka jingïohkynti baneh.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

ESEKIEL 13:22

“Da ki jinglamler jong phi, phi pynnoh mynsiem ïa ki briew babha, kiba ngam kwah ba kin sngewmong. Phi khang ïa ki briew basniew ban iehnoh ïa kaba sniew bad pyllait ïa ka jingim jong ki.

ESEKIEL 13:5

Kim sumar ïa ki jaka ha kaba ki kynroh ki la khyllem, lymne ba ki tei pat ïa ki kynroh, bad kumta ym lah ban ïada ïa ka Israel haba wan ka thma ha ka sngi ka jong U Trai.

ESEKIEL 18:30

“Mynta, ma nga U Trai Nongsynshar, nga ong ïa phi ki Israel ba ngan bishar ïa phi iwei pa iwei da kaei kaba phi la leh. To phai noh na kaba sniew baroh kaba phi leh, bad wat shah ba ka pop jong phi kan pynjot ïa phi.

ESEKIEL 2:7

Men ong ha ki ïa kaei ba nga bthah ïa me ban ong, lada ki sngap ne kim sngap. Kynmaw ba ki long ki nongïaleh pyrshah.

ESEKIEL 3:17

“Ko khun u briew,” u ong, “ngan buh ïa me kum u nongap phira na ka bynta ka jaitbynriew Israel. Men pynsngew ha ki ïa ki jingmaham kiba nga ai ïa me.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

MALAKHI 2:6

Ki la hikai ïa kaei kaba dei, ym ïa kaei ka bym dei. Ki la im ha ka jingïadei basngewtynnat bad nga; ki la leh ïa kaei kaba dei ym tang ha lade, hynrei ki la ïarap ruh ïa kiba bun ban sangeh na kaba leh ïa kaba sniew.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

1 THESSALONI 5:6

Kumta te, ngim dei ban ïohthiah kum kiwei pat; ngi dei ban peitmat bad pyngngad.