JEREMAÏAH 23:20 - Khasi CL Bible (BSI)

²⁰ bad kan ym kut haduh ba un da leh ïa baroh kaba U thmu ban leh. Ha ki sngi ki ban wan ki briew jong U kin sa sngewthuh shai ïa kane.”

KA BAIBL

²⁰ Ka jingbitar U Trai kan ym wan phai, tad ynda u la pyndep, bad tad ynda u la leh ïa ki jingthmu ka dohnud jong u: ha ki sngi ki bakhatduh phin sa sngewthuh janai ïa kata.

JEREMAÏAH 23:20 ပူးပေါင်းရင်းမြစ်များ

JENESIS 49:1

Te u Jakob u khot ïa la ki khun shynrang bad u ong, “Ïalumlang baroh, ba ngan ïathuh aïu kan jia ïa phi ha ka lawei:

1 SYIEM 8:47

Lada jia ba ha kata ka ri ki kylla-kaba-mut bad ki duwai sha me, ki da phla haduh katno ki la long kiba pop bad kiba bymman, to sngap ïa ki jingduwai jong ki A Trai.

2 SYIEM 23:26

Hynrei ïa ka jingbitar shla U Trai la pynkhih pyrshah ïa ka Judah da kaei kaba u syiem Manasseh u la leh, bad wat mynta ruh kam shym la duh noh.

2 SYIEM 23:27

U Trai u ong, “Ngan leh ïa ka Judah kumjuh kumba nga la leh ïa ka Israel: Ngan pynjah ïa ki briew ka Judah na khmat jong nga, bad ngan kyntait ïa ka Jerusalem, ka nongbah kaba nga la jied, bad ka Templ, ka jaka kaba nga la ong ha kaba yn mane ïa nga.”

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 14:24

U Trai Badonbor Baroh u la smai ka jingsmai: “Kaei kaba nga la thmu kan jia. Kaei kaba nga la kut jingmut ban leh yn pyndep.

ISAÏAH 55:11

Kumta ruh kan long ka ktien kaba nga kren — kan ym pep ban pyndep ïa kaei kaba nga thmu na ka bynta jong ka; kan pynlong ïa kiei kiei baroh kiba nga phah ïa ka ban leh.

JEREMAÏAH 4:28

Ka pyrthei kan ïam sngewsih; ka sahit bneng kan sdang dum. U Trai u la kren bad un ym kylla ïa ka jingmut jong u. U la pynlong ïa ka jingrai jong u bad un ym kylla dien.

JEREMAÏAH 51:12

Ai ïa ka dak ban tur ïaleh ïa ki kynroh jong ka Babilon. Pynkhlaiñ ïa ki nongap! Buh ïa ki nongap phira! Buh ïa ki rangbah ban apthap!” U Trai u la leh ïa kaei kaba u la ong ban un leh ïa ki briew jong ka Babilonia.

ESEKIEL 21:10

La pynnep ïa ka ban pynïap, la pynphyrnai ba kan thaba kum ka leilieh. Kan ym don ka jinglehkmen, naba ki briew jong nga ki la leh bymsuidñiew ïa ka jingmaham bad jingpynshitom baroh.

ESEKIEL 21:5

Baroh kin tip ba ma nga, U Trai, nga la sei ïa la ka waitlam bad ba ngan ym buh noh ïa ka.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

DEUTERONOMI 4:30

Ynda phi don ha ka jynjar, bad kita kiei kiei baroh ki wan jia ha phi, te ha kaba khatduh phin phai sha U Trai bad kohnguh ïa u.