JEREMAÏAH 23:2 - Khasi CL Bible (BSI)

² Kane ka long kaei ba U Trai, U Blei ki Israel, u ong shaphang ki nongsynshar kiba la tharai ba kin sumar ïa ki briew jong u: “Phim shym la sumar bha ïa ki briew jong nga; phi la pynsakma ïa ki bad phi la beh noh ïa ki. Mynta ngan pynshitom ïa phi namar ka jingbymman jong phi kaba phi la leh.

KA BAIBL

² Namar kata, kumne u ong U Trai, U Blei ki Israel, pyrshah ïa kita ki nongaplangbrot kiba bsa ïa ki briew jong nga: “Phi la pynsakma ïa ka kynhun jong nga, bad phi la beh noh ïa ki, bad phim shym leit jngoh ïa ki; ha khmih, ngan pynwan halor jong phi ïa ka jingsniew ki jingleh jong phi,” ong U Trai.

JEREMAÏAH 23:2 ပူးပေါင်းရင်းမြစ်များ

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

JEREMAÏAH 10:21

Nga la jubab, “Ki nongïalam jong ngi ki long kiba mutlop; kim shym kyrpad ïa U Trai ban ïoh jingïalam. Dei kane keiñ balei ba ki shahjop, bad ki briew jong ngi ki la shah pynsakma.

JEREMAÏAH 11:22

Kumta U Trai Badonbor Baroh u la ong, “Ngan pynshitom ïa ki! Ki samla shynrang jong ki kin shah pynïap ha ka thma; ki khun jong ki kin ïapthngan.

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 13:20

Ko Jerusalem, ha khmih! Ki nongshun jong pha ki wan hiar na shatei! Hangno ki briew kiba la buh ha ka jingsumar jong pha, ki briew jong pha kiba pha la sngewsarong haduh katta katta?

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 23:34

Lada uwei na ki briew jong nga ne u nongïathuhlypa ne u lyngdoh wat la u pyndonkam ïa ki ktien, ‘Ka jingkit U Trai,’ ngan pynshitom ïa u bad ïa ka longïing jong u.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

ESEKIEL 34:5

Namar ba ki langbrot kim don u nongsharai, ki la sakma noh, bad ki mradkhlaw ki pynïap bad bam ïa ki.

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

SEKHARAÏAH 10:3

U Trai u ong, “Nga bitar ïa kito ki nongwei kiba synshar ïa ki briew jong nga, bad ngan pynshitom ïa ki. Ki paid Judah ki long ki jong nga, bad ma nga, U Trai Badonbor Baroh, ngan sumar ïa ki. Kin long ki kulai thma badonbor jong nga.

SEKHARAÏAH 11:16

Nga la buh u nongaplangbrot ban khmih ïa ka kynhun langbrot jong nga, hynrei um shym la ïarap ïa ki langbrot kiba la shah byrngem da ka jingpynjot; lymne ba u leit wad ïa kaba la jah noh, lane pynkhiah ïa kito kiba la mynsaw, lane bsa ïa kiba khiah. Pynban u bam ïa ka doh jong ki langbrot kiba sngaid bad u weng noh ïa ki khnap jong ki.

MATHAÏOS 25:36

nga la lyngkhuit bad phi la pynkup jaiñ ïa nga; nga la pang bad phi la shim ban sumar ïa nga, nga la don ha ïingbyndi bad phi la wan jngoh ïa nga.’

MATHAÏOS 25:43

nga la long u nongwei, hynrei phim shym la pdiang sngewbha ïa nga ha ki ïing jong phi, nga la lyngkhuit, hynrei phim shym la pynkup jaiñ ïa nga; nga la pang bad nga la don ha ïingbyndi, hynrei phim shym la sumar ïa nga.’

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.