JEREMAÏAH 23:17 - Khasi CL Bible (BSI)

¹⁷ Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

KA BAIBL

¹⁷ Ki ong ha la ka sngi ha kita kiba ibeiñ ïa nga, ‘U Trai u la ong, “Phin ïoh suk;” bad ha uwei uwei baroh uba ïaid ha ka jingmutlop ka dohnud jong u hi ki ong, “Ka jingsniew ei ei kan ym jia ïa phi.” ’ ”

JEREMAÏAH 23:17 ပူးပေါင်းရင်းမြစ်များ

2 SAMUEL 12:10

Mynta, ha man la ka pateng, katto katne na ki khun ki ksiew jong me kin ïap ka jingïap kaba sngewma namar ba mem shym kohnguh ïa nga bad ba me la shim ïa ka tnga jong u Uriah.

ISAÏAH 30:10

Ki ong ïa ki nongïathuhlypa ban sngap jar. Ki ong, “Wat kren ha ngi shaphang kaei kaba dei. Ïathuh ha ngi ïa kaei kaba ngi kwah ban ïohsngew. Ai ba ki jingïohi rngai jong ngi kin sah bad ngi.

ISAÏAH 57:21

Ym don jingshngain ïa ki nongpop,” ong U Trai.

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

JEREMAÏAH 4:10

Nangta nga la ong, “Ko Trai Nongsynshar, me la shukor la biang ïa ki briew jong ka Jerusalem! Me la ong ba kan don ka jingsuk, hynrei ka waitlam ka ha ki pdot jong ki.”

JEREMAÏAH 5:12

Ki briew jong U Trai ki la len ïa u bad ki la ong, “Un ym leh ei ei da shisha. Ngin ym mad ïa ki por ba-eh; ngin ym mad ïa ka thma lane ka 'nemsniew.”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

JEREMAÏAH 8:11

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 13:10

“Ki nongïathuhlypa ki ïalam bakla ïa ki briew jong nga da kaba ong ba baroh ka bit ka biang. Baroh kam long shisha kaba bit babiang! Ki briew jong nga ki la pynïeng ka kynroh ki maw bym skhem, bad nangta ki nongïathuhlypa ki la wan bad ki tap ïa ka da ka jingpushara lieh.

ESEKIEL 13:19

Phi pynjahburom ïa nga ha khmat ki briew jong nga khnang ban ïoh katto katne kham u barli bad khyndiat tylli ki lyngkhot kpu. Phi pynïap ïa ki briew ki bym dei hok ban ïap, bad phi pynsah im ïa ki briew ki bym dei hok ban im. Kumta phi ïathuh ki jinglamler ha ki briew jong nga, bad ki ngeit ïa phi.”

ESEKIEL 13:22

“Da ki jinglamler jong phi, phi pynnoh mynsiem ïa ki briew babha, kiba ngam kwah ba kin sngewmong. Phi khang ïa ki briew basniew ban iehnoh ïa kaba sniew bad pyllait ïa ka jingim jong ki.

AMOS 9:10

Ïa ki nongpop napdeng ki briew jong nga yn pynïap ha ka thma — ïa kito baroh kiba ong ‘U Blei un ym shah ïa kano kano ka jingma ban wan hajan jong ngi.’ ”

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

SEPHANAÏAH 1:12

“Ha kata ka por ngan shim ïa ka sharak bad wad ïa ka Jerusalem. Ngan pynshitom ïa ki briew kiba sngewhun ha lade bad kiba sngewskhem, kiba ong ha lade, ‘U Trai um ju leh ei ei, kumne lane katai.’

SEKHARAÏAH 10:2

Ki briew ki kylli ïa ki bleithaw bad ïa ki nongbatai kupar, hynrei ki jubab kiba ki ïoh ki long ki jinglamler bad ki bym don jingmut. Katto katne ki pyrshang ban batai ïa ki jingphohsniew, hynrei tang ban shu ïalam bakla ïa phi; ka jingpyntngen ba ki ai ka long ka bymmyntoi. Kumta ki briew ki sakma kylleng kum ka langbrot ba la jah. Ki don ha ka jingjynjar namar ba kim don u nongïalam.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

JINGKHEIÑ 11:20

hynrei baroh shi bnai, haduh ba kan da mihnoh shabar na ki shkor jong phi, haduh ba phin da sngewjli ïa ka. Kane kan jia namar ba phi la kyntait ïa U Trai uba don hangne hapdeng jong phi bad ba phi la ïakhñium ha u ba phim dei ban iehnoh ïa ka Ijipt.’”

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

DEUTERONOMI 29:18

Pynthikna ba yn ym don napdeng jong phi u shynrang, lane ka kynthei, lane ka longïing, lane ka jait, ki ban phai noh na U Trai U Blei jong phi ban mane ïa ki blei jong kiwei pat ki jaitbynriew. Kum uta, un long kum u thied uba pynmih u soh uba kthang bad uba don bih.

DEUTERONOMI 29:19

Pynthikna ba yn ym don hangne mynta ka sngi uba ïohsngew ïa ki ktien jong kane ka jutang, pynban uba pynngeit ïa lade ba kaei kaei kan ym jia ïa u wat la u ïaid mon da ka dohnud kaba mutlop. Ka jingmih na kata kan long ba phi baroh phin jot thiaw, kiba bha bad kiba sniew kumjuh.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.