JEREMAÏAH 23:14 - Khasi CL Bible (BSI)

¹⁴ Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

KA BAIBL

¹⁴ Ha ki nongïathuhlypa ka Jerusalem ruh nga la ïohi ïa kaba shyrkhei; ki klim, bad ki ïaid ha ka jinglamler, bad ki pynkhlaiñ ïa ki kti ki nongleh sniew, kumta ba ym don shuh uba phai noh na la ka jingbymman: ki baroh ki la wan long ha nga kum ka Sodom, bad kiba shong ha ka kum ka Gomorra.”

JEREMAÏAH 23:14 ပူးပေါင်းရင်းမြစ်များ

JENESIS 13:13

bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

JENESIS 18:20

Te U Trai u ong ha u Abraham, “Ki don ki jingkynnoh pyrshah kiba jur ïa ka Sodom bad ka Gomorrah, bad ka pop jong ki ka long kaba khraw katta katta.

JENESIS 19:24

Mar kumta hi, U Trai u pynhap ïa u kyndok ding ha ki nongbah Sodom bad Gomorrah,

JENESIS 19:25

bad u la pynjot thiaw ïa ki bad ïa kata ka them baroh kawei lem bad ïa ki briew baroh hangta, bad ïa kiei kiei baroh kiba mih ha ka khyndew.

ISAÏAH 9:15

Ki rangbah kiba tymmen bad kiba donburom ki long ka khlieh — bad u tdong u long ki nongïathuhlypa kiba ki jinghikai jong ki, ki long kiba lamler!

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 18:13

U Trai u ong, “Kylli ïa kawei pa kawei ka jaitbynriew la kaba kum kane kaei kaei ka la ju jia mynshuwa. Ki paid Israel ki la leh ïa kaei kaba shyrkhei!

JEREMAÏAH 20:16

Ai ba un long kum kito ki nongbah kiba U Trai u la pynjot khlem jingisynei. Ai un ïohsngew ïa ka jingud pang ha ka por mynstep bad ka jingmaham thma ha ka por shiteng sngi,

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

JEREMAÏAH 23:22

Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 29:21

“U Trai Badonbor Baroh, U Blei ki Israel, u la kren shaphang u Ahab u khun jong u Kolaïah bad u Sedekaïah u khun jong u Maaseïah, kiba ïathuh ki jinglamler ha ka kyrteng jong U. U la ong ba un aiti ïa ki ha ka bor jong u Nebukhadnessar u syiem ka Babilonia, u ban pynïap ïa ki ha khmat jong phi.

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 36:2

“Shim ïa ka kot kli bad thoh ha ka ïa baroh kaba nga la ong ha me shaphang ka Israel bad ka Judah bad baroh ki jaitbynriew. Thoh lut ïa baroh kaba nga la ong ha me naduh ka por ba nga la kren nyngkong ha me, mynba u Josaïah u long syiem, haduh mynta.

JEREMAÏAH 49:18

Kajuh hi kan jia ïa ka Edom kumba ka la jia ïa ka Sodom bad Gomorrah, mynba ïa ki bad ïa ki shnong ba-marjan la pynjot. Yn ym don ban sah biang hangta. Ma nga, U Trai, nga la kren.

SNGEWSYNEI 4:6

Ïa ki briew jong nga la pynshitom wat kham jur ban ïa ki nongshong shnong jong ka Sodom, kiba la ïashem da ka jingkyllon kaba kynsan ha ki kti jong U Blei.

ESEKIEL 13:16

Kito ki nongïathuhlypa kiba ai jingpynthikna ïa ka Jerusalem ba kaei kaei baroh ka bit ka biang, haba baroh kam bit kam biang!” U Trai Nongsynshar u la kren.

ESEKIEL 13:19

Phi pynjahburom ïa nga ha khmat ki briew jong nga khnang ban ïoh katto katne kham u barli bad khyndiat tylli ki lyngkhot kpu. Phi pynïap ïa ki briew ki bym dei hok ban ïap, bad phi pynsah im ïa ki briew ki bym dei hok ban im. Kumta phi ïathuh ki jinglamler ha ki briew jong nga, bad ki ngeit ïa phi.”

ESEKIEL 22:25

Ki nongïalam ki long kum ki sing kiba kyrhuh halor ki mrad kiba ki la pynïap. Ki pynïap ïa ki briew, ki shim ïa ka pisa baroh bad ki jingdon jingem kat kaba ki lah ban ïoh, bad da kaba pynïap briew ki pynsah riewkynthei ïa kiba bun.

HOSIA 6:10

Nga la ïohi ïa kaei kaei kaba shyrkhei ha Israel: Ki briew jong nga ki la pyntngit ïa lade da kaba mane ïa ki bleithaw.

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

MIKAH 1:5

Kane baroh kan jia namar ba ki paid Israel ki la leh pop bad ïaleh pyrshah ïa U Blei. Ïano yn kynnoh na ka bynta ka jingïaleh pyrshah ki Israel? Ka Samaria hi, ka nongbah! Mano ba shah kynnoh ïa ka jingmane bleithaw ha Judah? Ka Jerusalem hi!

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

MALAKHI 1:1

Kane ka dei ka khubor kaba U Trai u la ai ha u Malakhi ban ïathuh ïa ki paid Israel.

MATHAÏOS 11:24

Pha lah ban sngewthikna ba ha ka Sngi ka Jingbishar, U Blei un pyn-i kham bun ka jingisynei ïa ka Sodom ban ïa pha!”

DEUTERONOMI 32:32

Ki nongshun jong ki, kiba jyrsieh kum ka Sodom bad ka Gomorrah, ki long kum ki dieng sohwaiñ kiba sei ki soh kiba kthang bad don bih,

1 TIMOTHI 4:2

Kiba kum kita ki jinghikai ki wan na ki riewarsap bashukor, kiba la ïap ki jingïatiplem, kumba la thang da u narsaw.

2 PETROS 2:6

U Blei u la pynrem ïa ki nongbah ka Sodom bad ka Gomorrah, da kaba pynjot ïa ki da ka ding, bad u la pynlong ïa ki ka nongmuna jong kaei ka ban jia ha ki bymtip Blei.

JUDAH 1:7

To kynmaw ïa ka Sodom bad Gomorrah, bad ki shnong ba-marjan, ha kaba ki briew ki leh kumba la leh kito ki angel bad ki kyrsum ha ki jingleh nuti bad bajakhlia: Ki shah ïa ka jingpynshitom ha ka ding bymjukut kum ka jingmaham ïa baroh.

JINGPYNPAW 11:8

Un jop ïa ki bad un pynïap ïa ki, bad ki metïap jong ki kin shu sah ha ka surok bah jong kata ka nongbah bakhraw, ha kaba ïa U Trai jong ki la sahnarphna. Ka kyrteng pharshi jong kata ka nongbah ka long ka Sodom, lane ka Ijipt.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.