JEREMAÏAH 23:10 - Khasi CL Bible (BSI)

¹⁰ Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

KA BAIBL

¹⁰ Naba ka ri ka dap da ki nongklim; naba namar ka jingsmai ka ri ka sngewsih; ki jaka phlang ka ri khlaw ki la tyrkhong noh; bad ka lynti jong ki ka bymman, bad ka bor jong ki ka bymdei.

JEREMAÏAH 23:10 ပူးပေါင်းရင်းမြစ်များ

ESRA 10:18

Kane ka dei ka thup kyrteng jong ki rangbah kiba don ki tnga nongwei: Ki lyngdoh, ba la jer kyrteng da ki kur: Ka kur u Joshua bad ki para jong u, ki khun shynrang u Jehosadak: U Maaseïah, u Elieser, u Jarib bad u Gedalaïah. Ki kular ban pyllait noh ïa ki tnga jong ki, bad ki ai ïa u langbrot kum ka jingkñia ïa ki pop jong ki. Ka kur u Immer: U Hanani bad u Sebadaïah. Ka kur u Harim: u Maaseïah, u Elijah, u Shemaïah, u Jehiel bad u Ussaïah. Ka kur u Pashhur: u Elioenai, u Maaseïah, u Ishmael, u Nethanel, u Josabad bad u Elasah. Ki Lebi: U Josabad, u Shimei, u Kelaïah (ba la khot ruh Kelita), u Pethahaïah, u Judah bad u Elieser. Ki nongput nongtem: U Eliashib. Ki nongap phira ka Templ: U Shallum, u Telem bad u Uri. Kiwei pat: Ka kur u Parosh: u Ramaïah, u Issaïah, u Malkhijah, u Mijamin, u Eleaser, u Malkhijah bad u Benaïah.

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

ISAÏAH 24:6

Kumta U Blei u la pynbna ïa ka jingtim ha ka pyrthei. Ki briew jong ka ki hap ban siew ïa kaei kaba ki la leh. Kiba im ki la nang duna bad nang duna.

ISAÏAH 5:18

Phi long ba la tim! Phim shym lah ban pyllaitluid na la ki jong ki pop.

JEREMAÏAH 12:11

Ki la pynkylla ri khlaw ïa ka; ka la long thylli ha khmat jong nga. Ka ri baroh kawei ka la kylla long ka ri shyiap, bad ym don mano mano ba salia.

JEREMAÏAH 14:2

“Ka Judah ka don ha ka jingïambriew; ki nongbah jong ka ki la jan ïap, ki briew jong ka ki thiah ha madan ha ka jingsngewsih, bad ka Jerusalem ka kyang jam ban ïoh jingïarap.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

HOSIA 7:4

Baroh ki long kiba shetkylla bad ki bym lah shaniah. Ka jingisih jong ki, ka ing suki kum ka ding ha ka tyndur, ka bym shym la pynkhih da u nongshet kpu haduh ba u 'purew u lah long ban shet.

JOEL 1:10

Ki lyngkha kim don ei ei shuh; ka khyndew ka ïamkthang namar ïa u kew la pynjot, ki sohwaiñ ki la tyrkhong, bad ki dieng Olib ki la ïapstai.

LEBITIKOS 5:1

Ki Jingkñia namar ka Pop ki donkam na ka bynta kine ki jingleh. Lada uno uno u shah khot da ki bor ba-halor ban ai sakhi ha ka ïingbishar bad um ïathuh ei ei ïa kata kaba u la ïohi ne u la ïohsngew, u dei ban kit hi ïa kaba mih nangta.

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.